Articulus 10

ARTICULUS X. An contritio semper eodem modo fuerit in Novo et Veteri Testamento?

Quinto queritur, Utrum eodem modo semper fuerit in Novo et Veteri Testamento?

Videtur autem, quod sic : quia 1. Cujus causa uno et eodem modo se habet, et ipsum eodem modo se_habet: sed actuale est causa contritionis : et e0dem modo fuit in Novo et Veteri Testa~ mento : ergo et contritio fuit eodem modo.

2. Item, Contritio non ordinatur contra peccatum nature, sed potius persone: et haec semper divisa fuerunt, et sunt, et erunt : ergo videtur, quod re- medium actualis semper debuit esse per modum unum :; ergo uno modo fuit contritio in Novo et Veteri Testamento.

3. Item, Joel, mu, 12, dicitur, "Convertimini ad me". Et post, y. 13: "Scindite corda vestra", etc. Sed nihil aliud imponitur contrito et poenitenti in Novo Testamento : ergo videtur, quod eodem modo, etc.

SED CONTRA : i. Aliw dus partes, scilicet confessio, et satisiactio, non erant eodem modo ut nunc ; ergo nec contritio.

2, Item, "Nihil ad perfectum adducit lex", ut dicitur, ad Hebr. vu, 19: ergo non competebat ei sacramentum perfectionis : sed contritio prout observatur in Novo Testamento, ducit ad perfectionem: ergo in Veteri Testamento debuit esse secundum typum, et minus, ut videtur.

Solutio. Dicendum, quod contritio fuit in Veteri Testamento sicut in Novo : sicut probant prime rationes.

Ad Hoc autem quod contra objicitur, dicendum quod aliud est de confessione et satisfactione, quia illa habebant fieri ministerio sacerdotum : unde cum alii fuerint sacerdotes status illius, et alii status istius, non poterant ille due: partes esse eodem modo in Novo et Veteri Testamento. Sed in contritione non respicitur nisi Deus qui peccata delet: et ideo illa. semper eodem modo fuit semper et in lege nature, et Moysi, et gratie.

Ad aliud dicendum, quod contritio li~ cet in lege sit observata, non tamen est legis sicut moralia mandata, ut disputatum est supra tertium Sententiarum, in fine : et ideo contritio potuit aliquid ducere ad perfectum in fide venturi.

Et per hoc patet solutio ad totum.