Articulus 11

ARTICULUS XI. Quid sit primum movens ad contritionem ?

Ultimo queritur, Quid movet ad contritionem ?

1. Videtur autem, quod timor per diffinitionem contritionis ab Isidoro positam.

2. Item, Isa. xxvi1, 17 et 18: A timore tuo, Domine, concepimus, ete? : parturitio autem haec est in contritione : ergo videtur, quod a timore Domini concipitur : ergo timor primo movet ad contritionem.

SED contra videtur, quod fides primo moveat : quia poenas peccato perpetrato debitas ostendit fides ut nocivas : ergo facit primo fugam et detestationem : et hoc est contritio : ergo contritio concipitur et causatur fide.

Er guia de hoc satis supra in questione de poenitentia habitum est, queritur, in ratione cujus articuli moveat ad contritionem ?

Videtur autem, quod ratione hujus: "Et iterum venturus est cum gloria judicare vivos et mortuos :" quia articulus ille movet ad dolorem de peccato in judicio judicandos : et ille timor vel dolor est contritic : ergo fides movet ad hoc quod aliquis conteratur.

Sed videtur, quod ille qui est, "Remissioncm peccatorum :" quia in contritione peccata remittuntur: ergo ille articulus movet ad contritionem.

Responsio. Dicendum videtur quod fides movet ex parte intellectus, et timor et affectio amoris ex parte affectus : quia ex parte illa qua oculus est ad poenam, movet timor: ex parte autem illa qua est ad gloriam, movet amor.

Ad PrimuM autem quod contra hoc est, dicendum quod timor movet, sed non primo, sed proxime ex parte contriti secundum affectum.

Per hoc etiam solvitur id quod objicitur de Isidoro.

Ad id autem quod queritur, Ratione cujus articuli?

Dicendum, quod ratione illius qui est de judicio, sicut habetur expresse in diffinitione Isidori supra dicta.

Ad id autem quod contra objicitur, dicendum quod remissio peccatorum movet ad hoc: sed tamen fides conjun-_ git spem remittendi peceata : sed judicii consideratio, quia incutit timorem, excitat ad contritionem : et per hoc patet solutio ad totum.