Articulus 61

ARTICULUS LXI. An volenti confiteri, sed morte prevento, votum reputetur pro facto ?

Deinde queritur de hoc quod dicit, ibi, E, ante medium: "Ne cum negligens circa se exstiterit, etc."

Sint enim duo, quorum uterque habet votum aequale confitendi, et unus moritur inconfessus, eo quod necessitate preventus sacerdotem habere non potuit: alter autem confitetur sacerdoti : et in omnibus aliis sunt pares : queritur ergo quis citius liberabitur, et evolabit ?

Videtur autem, quod aequaliter: quia votum reputatur a Deo pro facto, qui cor respicit : ergo ita cito evolat unus sicut alter.

Contra : Aliquid impenditur uni ex vi clavium, quod non percipit alius : ergo videtur, quod ratione illius etiam ille tius evolabit.

Responsio. Dicendum, quod citius evolat confessus sacerdoti, sicut probat ultima objectio.

Ad primum ergo dicendum, quod yotum pro facto reputatur in omnibus qua ab ipso fieri deberent, et quantum aq meritum substantiale : sed quantum ad ea quae fiunt per alium, impossibile est quod votum pro facto reputetur : fit antem diminutio poene per claves quae sunt in ministerio sacerdotis, et virtute passionis Christi : et ideo in illo non reputatur votum pro facto : sed diminutio pene nec est de substantiali merito, nec de substantiali premio. Et in talibus valent opera exteriora plus quam voluntas : et quoad hoc sunt in aequales.