Articulus 17

ARTICULUS XVII.

An dicantur sponsalia a sponsa de futuro, vel de presenti, vel de solemnitate nuptiarum ?

Deinde quaeritur de hoc quod dicit, ibi, L, sub finem: "Sunt enim quedam nuptialia pacta, etc."

Hic enim colligitur, quod tripliciter dicitur sponsa, scilicet de faturo, et de presenti, et solemnitas nuptiarum. Et di- cit Magister, quod ultimo modo proprie sponsalia dicuntur.

Videtur autem falsum. 1. Ex decreto Nicolai Papw supra inducto, ubi dicit, quod sponsalia sunt futurarum promissiones nuptiarum : ergo primo modo proprie dicuntur sponsalia et sponsa, ut videtur.

2. Item, Hoe videtur sonare nomen, ut supra habitum est: ergo mentitur in Littera.

Ulterius quaeritur hic, Utrum # quivoce vel univoce dicitur de his tribus ?

Videtur autem, quod equivoce : quia 1. Distinguit in Littera vocem sponsalium in suas significationes : talis autem distinctio non convenit nisi equivoco : ergo est equivocum.

2. Preterea, Nullus distinguit sic, quod homo aliter significet Socratem, et aliter Platonem : sed Magister dicit, quod liter unum significet, et aliter aliud: ergo est equivocum.

In contrarium hujus objicitur: Ab una enim sponsione dicitur quocumaque modo dicatur : ergo unam habet rationem : ergo est univocum.

Responsio, quod sponsalia proprie dicuntur pacta futurarum nuptiarum cum sulemnitate facta : et ideo quod dicit Magister, non intelligitur de solemnitate sola, sed potius concretive de sponsione solemni futurarum nuptiarum: et per hoc patet, quod non est contrarium prehabitis : et per hoc solvuntur duo prima.

Ad aliud dicendum, quod nec univoce dicitur de his, nec etiam equivoce, sed potius per analogiam ad unum, ut probat ullima objectio. Analogum enim dicitur de pluribus diversis modis respicientibus ad unum: et ideo distinguit Magister in Littera modos diversorum sponsalium.

Et haec est solutio omnium quesitorum.