Articulus 8

ARTICULUS VIII. An mulier quae permittente viro continentiam voverit, viro postea prohibente, teneatur reddere debitum ?

Deinde quaeritur de hoc quod dicit, ibi, B, paulo ante finem : "Quibusdam videtur, quod mulier non discedens, ete."

Videtur enim, quod haec opinio non ait vera , quia 1. Licet votum precedens matrimonium impediat contrahendum, non tamen dirimit contractum, nisi sit solemne : ergo multo minus dirimit superveniens matrimonium : quia multa impedimenta sunt quae precedentia matrimoninm, dirimunt contractum, quae tamen matrimonio supervenientia non dirimunt ipsum : sed istud supervenit, et non est adhuc solemnizatum : ergo non dirimit matrimonium jam ante contractum : ergo iste non potest cogere uxorem ad debiti solutionem, sicut prius.

2. Item, Votum illud non est nisi privatum : ergo non dirimit matrimonium contractum : sed istud est contractum et consummatum : ergo non dirimit ipsum ; ergo ista opinio dicit verum.

Responsio. Dicendum, quod opinio illa falsa est : ila autem quam consequenter ponit pro sua, est vera.

Ad primum autem quod objicitur, dicendum quod hoc intelligitur de matrimonio quod votum antecedit : quia tunc semper supervenit majus vinculum, et frangit matrimonium : sed nunc votum continentia de communi consecnsu sequitur, ideo non dirimit matrimonium, sed suspendit debitum exigendi et reddendi : quia hoc est in potestate conjugum, et voluntate, vovere et non vovere.

Per idem patet solutio ad sequens.

Et ideo patet, quod mortaliter peccant frangendo votum.

Utrum autem votum illud recipiat dispensationem vel non, infra habet determinari in questione de voto.