Articulus 14

ARTICULUS XIV. An liceat maritis uxores adulteras interficere ?

Quarto queritur, Utrum liceat maritis uxores adulteras interficere, sicut in Fattera videtur dicere in decreto Nicolai Papa ?

Videtur, quod sic: quia 1. Lex precipit adulteram lapidari': quod autem lex divina precipit, homo exsequi tenetur : cum ergo nullus sit adeo otfensus ab adultera sicut maritus, ipse potest eam lapidare.

2. Item, Lex dicit: Alaleficos non patieris vivere: sed malefica maxime est adultera : ergo peccatum etiam est marilo, si patitur eam vivere: ergo tenetur eam interficere,

3. Item, Legibus humanis ignoscitur marito, siuno vulnere confodit utrumque, et adulterum et adulteram: cum igitur leges humane cxemplate sint a divinis, videtur quod sccundum legem divinam idem fieri debeat: ergo si interficiat eam, debet ei ignosci.

In contrarium est quod dicitur, Ezechiel. xxxm, 11: "Nolo mortem impii, sed ut convertatur impius a via sua, et vivat". Ergo homo debet eam exspectare ad peenitentiam, et non statim interficere.

Responsio. Dicendum, quod Ecclesiastico judicio nullus interficitur: si autem adulter per judicium civile fecerit eam interfici, ipse videat: bene enim puto, quod si lex humana in talibus servetur, non est peccatum.

Ad primum ergo et secundum dicendum, quod lex timoris fuit lex vetus : et ideo crimina atrociter puniebat, et adulteros condemnabat et alios criminosos: sed lex nova lex amoris est: et ideo Dominus, Joan, vi, 3 et seq., adulteram liberabat.

Ad aliud patet solutio per dicta: quia si lex civilis servetur, peccatum, ut puto, nullum incurritur: sed tamen ex misericordia dissimulandum est, sicut ipse Dominus sua misericordia exaltat judicium, dissimulans peccata hominum propter poenitentiam.