Articulus 3

ARTICULUS III. Quid sit linea consanguinitatis ?

Tertio queritur, Quid sit linea ?

Et dicitur communiter, quod linea est ordinata collectio personarum consanguinitate conjunctarum, ab eodem stipite descendentium, diversos gradus continens.

Objicitur autem, 1. De hoc quod dicitur, Ordinata colleetio : quia hoc oportet intelligi de uno ordine : et hoc non convenit, quia tres ordines sunt in linea.

2. Item, Linea est etiam inter personas non consanguineas, sicut affines, et adoptatas, et spirituali vinculo conjunclas: ergo male dicitur, Consanguinitate conjunectarum.

3. Item, Male dici videtur, Ab eodem stipite descendentium : quia illi qui sunt in transversalibus secundum quod in transvorsalibus, sunt in linea non relata ad stipitem : ergo non semper ibi attenditur descensus a stipite uno.

4. Item, Cum omnis linea sit infra. duos terminos tantum, videntur esse diversi duo gradus tantum : et hoc iterum falsum est.

Responsio. Dicendum, quod non est magna vis in istis, dummodo virtus juris circa lineas attendatur.

Dicendum tamen primo, quod linea satis communiter est diffinita : et hoc quod dicitur, Ordinata colleciio, est genus secundum quod hic sumitur linea. Materia autem sive subjectum forme generis tangitur per hoc quod dicitur : Personarum consanguinitate, etc. Efficiens autem tangitur per hoc quod dicitur: Ab eodem stipite descendentium : quia, sicut in mathematicis secundum Alpharabium in commento super Geometriam Euclidis, motus puncti facit lineam, ita motus et quaedam quasi multiplicatio stipitis hic facit lineam, de qua hic agitur: hoc autem quod dicitur, Diversos gradus continens, est ultima differentia complens esse linew civiliter sumpte.

Ad primum autem quod contra objicitur, dicendum quod ordo sumitur hic pro generali habitudine ad unum, hoc est, ad stipitem: et illa habitudo salvatur in omnibus lineis: nec oportet in diffinitione generis descendere in differentias speciei: quia ille sunt posterius quam genus, et non diffiniunt ipsum.

Ad aliud dicendum, quod linea consanguinitatis diffinitur hic, et non linea in genere, nisi sumatur genus proximum, scilicet consanguinitatis.

Ad aliud dicendum, quod nulla esset linea transversalis, nisi esset descensus ab uno stipite: quia ille qui est in linea transversali in parte una, nullo modo respiceret eum qui est in linea alia, nisi mediante stipite a quo ambo descendunt: unde falsum supponitur in objeclione.

Ad aliud dicendum, quod linea ista est sicut signata linea in geometria quae divisa est in partes: etideo potest continere diversos gradus,