Articulus 8

ARTICULUS VIU. Qua hora erit judicium ?

Secundo queritur, Quae hora sit magis conveniens ad yeniendum ?

1. Videtur autem, quod meridies : quia exteriora interioribus congruere debent : sed in die judicii omnia interiora illustrabuntur : ergo exteriora omnia tunc debent esse illustrata : et hoc est in meridie : ergo illud tempus est maxime congruum.

2. Item, Nulla ratio videtur esse quam ponit in Littera, scilicet cum valde obscurum erit, id est, occultum : non enim debet judex occultus supervenire, sed potius manifestus : ergo melius congruit, quod veniat in die, quam in nocte.

Responsio. Dicendum, quod rationes congruentia diverse possunt assignari, nec magna vis est in eis : cum patribus ergo videtur consentiendum, quod congruit eum in media nocte venire ex mysterio quod adducit: et ex congruentia judicandorum, qui hoc merentur, ut incerti de hora semper sint solliciti.

Ad 1 quod primo objicitur, dicendum, quod illa congruentia sumitur ex parte conditionis judicis tantum, qui semper inhabitat lucem inaccessibilem omnia perlustrantem : sed qualitas temporis judicii (ut patet in Litéera) magis sumitur ex parte judicandorum : et hoc ideo fit, quia judicium est propter judicandum, non propter judicem.

Perr noc etiam patet solutio ad residuum,