Articulus 19

ARTICULUS XIX. A quo causatur dos agilitatis ?

Tertio queritur, A quo causatur ista dos in corpore glorioso ?

Et objicitur sic : 1. Omnis potentia naturalis ad actum corporeum, causatur a membrorum dispositione : agilitas est hujusmodi potentia : ergo causatur a membrorum dispositione. Prima probatur ex hoc, quod Deus subtilior est quam natura, et natura ingeniatur quodlibet optimo et convenientissimo modo quo esse potest. Szcunpa autem per se patet : quia agilitas precipue est in potentia naturali ad motum processivum.

2. Item, Natura non ejusdem dispositionis instrumenta dat tardo et veloci : ergo videtur, quod nec Deus. Videmus enim, quod tardo dat instrumenta grossa et brevia, scilicet crura, sicut mulieribus : veloci autem dat longa subtilia : ergo videtur, quod sic etiam Deus dat agilitatem.

3. Item, Sicut dicit Aristoteles, ambulatio nuinquam est sine pedibus : ergo nec dispositio ambulationis sine dispositione pedum : ergo motus velocitatis accipitur in dispositione pedum, ut videtur.

In contrarium hujus est, quod 1. Omnes sic erunt agiles : ergo omnes habebunt dispositionem corporis et crurum ad agilitatem, quod falsum est : quia qui modo habent naturaliter crura grossa, etiam tunc habebunt, quia forma membrorum naturalis etiam tunc manebit,

2. Item, Agilitas illa causabitur ex merito voluntatis : ergo potius manifestabitur in voluntatis dispositione, quam nature corporalis.

Responsio. Dicendum, quod in voluntate et anima consistit illa agilitas, et non in membrorum dispositione.

Ad PrimMAM autem partem dicendum, quod est agilitas ad motum indigentie naturalis : et de ista procedunt prime argumentationes. Et est agilitas omnium membrorum simul in demonstrationem gloriw, et quod motor mobile possideat ad nutum : et hec causatur ex dispositione meriti voluntatis.

Et per hoc patet solutio ad totum.