Articulus 4

ARTICULUS IV. An aliqua sit vita aeterna ?

Incidenter tamen ratione ejus quod dicit, ibi, A, paulo ante finem : "Sica manebit communiter omnium vila xterna Sanctorum."

Queritur hic de vita aeterna, et per oppositum de morte aeterna. Et de vita aeterna queruntur quatuor, scilicet an sit ? Secundo, Quid sit ? Tertio, An sit ratione essentia vel potentiae ? Et quarto, An Angeli et homines damnati habeant vitam aeternam ?

Ad primum objicitur sic : In cujuscumque ratione cadit unum oppositum, illi nullo modo convenire potest reliquum : sed in ratione vite incipientis sive create cadit oppositum aeternitatis : ergo non potest convenire vitee create, quod sit aeterna : sed hominis et Angeli vita est creata : ergo non est aeterna. Prima patet per se. SecuNDA supponitur a ratione creati quod habet initium : et eternitas diffinitur per non habere initium, Unde dicit Augustinus, quod "vera eternitas est vera incommutabilitas :" sed nulla creatura est incommutabilis, ut dicit idem : ergo nullius creature vita est aeterna.

Ty conrrarium hujus est, 1. Quod dicitur, Joan. m, 15 : "Ut omnis qui credit in ipsum, non pereat, sed habeat vitam aeternam."

2. Item, Joan. x, 28 : "Ego vitam aeternam do eis."

Item est contra symbolum Apostolorum, ubi articulus ultimus dicit, "Et vitam e#ternam."

Ad Hoc dicendum, quod vita xterna triplex est optimo modo essendi.

Uno modo per essentiam vite et xternitatis : et sic Deus solus qui est vita supra omnem vitam, et eternilas super omnem eternitatem, ut dicit Dionysius, est vita aeterna.

Secundo modo dicitur ut in objecto viventium aeterna vita : et sic iterum Deus est vita aeterna : quia solus est objectum, quod exhibitum ut est, movet sanctos ad vitam aeternam, secundum quod dicit Aristoteles, quod extra celum nihil est nisi vita beata : quod non potest esse verum, quod esset ibi vita aterna vel beata, nisi sicut in objecto, quod intra orbem ceeli non includitur, nec extra clauditur.

Tertio modo dicitur vita xterna participatione viventium : et sic Sancti habent. vitam aeternam,

Ad primum ergo dicendum, quod non est optimum in ratione vite dict primo et secundo modo: et hac eadem participata facit tertiam. Unde licet participatio inceperit, tamen participatum quod. vita aeterna dicitur, non incepit.

Ad PROBATIONEM dicendum, quod commutabiles sunt omnes creature per naturam : sed tamen participando incom- - mutabilem substantiam numquam exerunt suam mutationem, ut dicit Augustinus in libro XIL Confessionum : et ideo in quantum vivunt vita aeterna, incommutabiles efficiuntur.