Articulus 9

ARTICULUS IX. Quomodo intelligitur divitem in inferno habuisse linguam ?

Deinde queritur, de hoc quod dicit, ibi, D, "Si quis autem quaerat, Quomodo intelligatur, etc."

1. Cum enim supra disputatum sit de virilum anime sensibilis remanentia post mortem, solum remanet hic querendum, quid vocctur lingua divitis, cum constet eum ibi carnis ,linguam non habuisse ?

2. Adhuc, Quare potius querit refrigerari linguam, quam aliud membrum?

3. Adhuc, Quid est extremum digiti Lazari, et quid stilla fuit gutte quam petivit ?

Et dicendum, quod lingua dicitur vis anime, quae perficit lnguam ad vim gustativam et motum locutionis, sicut dicit Gregorius.

Ad aliud dicendum, quod secundum Gregorium peccatum divitis fuit gula, et loquacitas qua comes est edacitatis : ct ideo linguam pre ceteris membris doluit.

Ad aliud dicendum, quod digito fit ostensio, et digitus misericordi# significat ostensionem : extremum autem digiti extremam in pravitate significat misericordiam liberantem quae nulla erit ibi.

Et gutta aque parvum significat refrigerium, quod non consequuntur damnati in lacu in quo non est aqua.