Caput 8

"Nunquid non sapientia," etc. Dominus palam locutus est mundo: et in occulto locutus est nihil. Quid ergo neglecto Evangelio ejus, ad haeresim et lasciviam miseri confluunt?

"In summis," etc. " In monte discipulos simul et turbas docuit, etc, usque ad qui contra eum in occulto loquuntur?"

"O viri, ad vos." Ad viros clamat, id est ad strenuos verbi auditores: in utroque sexu namque feminae, id est, fluxae mentes sapientiae verba percipere nequeunt.

"Intelligite, parvuli," etc. " Manifestum est de Domino, etc., usque ad quos seducere valeat, quaerit."

"Labia mea." " Duo testamenta, etc., usque ad ad praedicandum salutem universum aperta per orbem."

"Arrogantiam." " Arrogantiam et superbiam in eis, etc., usque ad sed juxta auditorum libitum sua verba commutant."

"Meum est consilium." Non se extollat humana praesumptio: plenitudinem virtutum sola Dei sapientia possidet, ab hac humana infirmitas, quidquid habet virtutis, accipit.

"Per me reges." " Reges dicit apostolos, etc., usque ad ait enim: "Sine me nihil potestis facere"."

"Ego diligentes," etc. "Qui diligit me, diligetur a Patre: et ego diligam eum, et manifestabo ei meipsum".

"Mane" quippe ad sapientiam "vigilant," qui innovato mentis studio ad Christi visionem attingere satagunt.

"Mecum sunt divitiae." " Opes superbas, opes excelsas dicit, etc., usque ad et promissa ipsius exspectamus in quibus est justitia."

"Dominus possedit me." " Hucusque locutus est parabolice ad Filium, nunc vero quia mentionem fecerat de sapientia, et non dixerat quae esset, et quantae dignitatis, quasi incidenter ostendit et commendat eam secundum utramque naturam, scilicet divinam et humanam, dicit "Dominus," etc. Viae Domini sunt opera, etc., usque ad caro enim ejus propter opera, divinitas ante opera."

"Ludens in orbe." Quia cum tempora et creaturae orbis terrae coepissent, ipse, quod erat, in Patre Filius manebat: hoc ideo, ne quis eum cum creaturis et temporibus esse prohiberet.

"Ad fores." Scripturas, vel doctores; iidem et postes, sine quibus ad vitam, quam pollicetur, non valemus ingredi.