Caput 32

"Rectorem." RAB. "Qui dignitate praeest, non debet superbire: "Qui major est vestrum, fiat sicut minor,"etc.."

"Gemmula carbunculi." RAB. " Ardentium gemmarum principatum tenet, etc., usque ad et mysteria Dominicae passionis digno veneratur sacramento."

"Ante grandinem." ID. "Fulgor coruscationis praeibit pondus grandinis; sic nitor gratiae verecundiam."

"Hora surgenti." ID. " Admonet ne simus tristes, etc., usque ad qui per gratiam nos fecit, et bonis [operibus] omnibus replevit."

"Vir consilii." Quanto quis prudentior, tanto utitur proximorum consilio, ut addat sibi intelligentiam.

"Fili, sine consilio." Possunt haec de catholico et haeretico accipi. Catholicus enim Deum timens omnia agit doctorum consilio et Scripturarum documento. Haereticus vero propria confidens sapientia, et propriis instat inventionibus: sed cum stultitia ejus apparuerit, per sanctos praedicatores divinis arguetur sententiis