Praeambulum

Postquam Magister in primo libro determinavit de Deo, quantum ad rationem suae naturalis perfectionis, ut generare et spirare; et in secundo libro determinavit de ipso inquantum ejus perfectio relucet in operibus creationis ; in hoc tertio determinat de Deo inquantum ejus perfectio relucet in operibus restaurationis. Et circa primam distinctionem hujus tertii quaeruntur quinque : Primo, utrum possibile fuerit naturam humanam uniri Verbo in unitate suppositi. Secundo, utrum res personae possint assumere eamdem naturam numero. Tertio, utrum una persona possit assumere plures naturas. Quarto, utrum suppositum creatum possit sustentificare hypostatice allam naturam creatam. Quinto, utrum formalis ratio terminandi istam unionem sit proprietas relativa.