I, P. 1, Inq. 1, Tract. 6, Q. 6, c. 7

Item, quaeritur utrum meritorium sit dolere de passionibus sanctorum vel velle illas.

a. Quia pium est lugere Martinum et pium est gaudere de Martino ; ergo est meritorium nolle mortem Martini.

Contra: 1. Hoc erat contrarium voluntati divinae, et hoc sciebant.

Respondeo: Velle contrarium divinae voluntati dicitur dupliciter: velle contrarium eius quod scio Deum velle, et hoc potest esse meritorium; vel volendo contrarium eius quod scio Deum me velle, et hoc non potest esse meritorium. — Vel aliter: de praesentibus passionibus sanctorum debemus dolere, de praeteritis vero possumus gaudere.