I, P. 2, Inq. 1, Tract. 1, Q. 2, Praeambulum

Consequenter quaerendum est in generali de nominibus divinis consideratione comparata, secundum quam attenduntur intentiones universalis, particularis, scilicet generis, speciei et individui, praedicabilis et praedicamenti. Erit igitur inquisitionis istius talis modus: Primo, inquiremus utrum in divinis sint accipiendae intentiones universalis et particularis, sive generis, speciei et individuis; secundo, utrum sit accipere intentionem praedicamenti; tertio, utrum in Deo sit accipere intentiones praedicamentorum substantiae et relationis; quarto, qualiter circa divina sint accipiendae intentiones aliorum praedicamentorum, ut quantitatis, qualitatis etc.