I, P. 2, Inq. 2, Tract. 2, Sect. 2, Q. 3, M. 2, Praeambulum

Consequenter quaeritur specialiter de appropriato quod est sapientia, nam de potentia alias inquisitum est. Circa quod quaeruntur plura: Primo, utrum nomen sapientiae, dicatur univoce vel aequivoce secundum quod dicitur personaliter et essentialiter; secundo, utrum dicatur proprie personaliter; tertio, utrum Pater sit sapiens sapientia genita; quarto, utrum Filius sit sapiens sapientia ingenita ; quinto, utrum sapientia dicat causam rerum; sexto, utrum dicatur Deus sapere creaturas; septimo, quaeritur de infusione sive perceptione sapientiae.

Et se habent hae quaestiones consequenter, sicut patebit.