I, P. 2, Inq. 2, Tract. 2, Sect. 2, Q. 3, Praeambulum

Consequenter quaeritur de appropriatis quae sunt potentia Patri, sapientia Filio, voluntas Spiritui Sancto. Circa quod quaeritur: Primo, quae sit ratio appropriationis horum trium generaliter; secundo, quaerendum esset de potentia secundum quod appropriatur Patri, secundum quod dicitur potentia generandi, sed istud determinatum est supra, in Quaestione De generatione aeterna ; tertio, quaerendum est de sapientia, quae appropriatur Filio; quarto, de voluntate, quae appropriatur Spiritui Sancto.