III, P. 1, Inq. 1, T. 3, Q. 2, Praeambulum

Post inquisitionem de gratia Christi, Ipso adiuvante inquirendum est de eius scientia secundum quod homo, in hunc modum: Primo, utrum in Christo secundum duas naturas sit ponere duas scientias; secundo, utrum scientia fuerit in Christo ab initio suae conceptionis aut per successionem temporis acquisita; tertio, utrum fuerit sine aliqua ignorantia; quarto, utrum fuerit omnium; quinto, utrum secundum omnem modum sciendi humanum; sexto, utrum aliquam scientiam receperit ab angelis; septimo, utrum aequalis fuerit scientia Christi scientiae Dei.