III, P. 1, Inq. 1, T. 4, Q. 1, Praeambulum

Ordine consequenti quaerendum est de voluntate et oratione et merito Salvatoris. Voluntas in actu cordis est; oratio in actu cordis et oris; meritum in actu cordis, oris et operis. Primo igitur quaeritur de voluntate Christi secundum quod homo; secundo, de oratione; tertio, de merito. Quantum ad voluntatem, quaeritur an in Christo fuerint diversae voluntates; secundo, an in Christo fuerint contrariae voluntates.