III, P. 2, Inq. 3, T. 2, S. 1, Q. 1, T. 8, Praeambulum
III, P. 2, Inq. 3, T. 2, S. 1, Q. 1, T. 8, Praeambulum
Post praedicta ad inquisitionem octavi mandati est procedendum, quo dicitur Exod. 20, 16 et Deuter. 5, 20: "Non loqueriscontra proximum tuum falsum testimonium". Circa quod quaeruntur plura: Primo, utrum ista prohibitio pertineat ad primam tabulam vel secundam; secundo, quid intelligatur prohiberi per falsum testimonium; tertio, utrum prohibeatur hic locutio falsitatis; quarto, utrum hic prohibeatur taciturnitas veritatis, cum veritas requiritur; quinto, utrum prohibeatur hic mendacium; sexto, utrum mendacium sit hic universaliter prohibitum, ita quod in nullo casu sit licitum.
