Dubitationes litteralis

DVBITATIONES LITTERALES.

RVPER litteram primo dubitatur de eo, quod dicit: ar¬ dua scandere contra Eccl. 3. altiora te ne quaesteris. Resp. quod verum est innixus proprio auxilio, sed non innixus Dei auxilio: ut Magister. Item dicit, se praesumpsisse in agedo hoc opus, sed praesumptio est peccatum: ergo &c. Respondeo, quod praesumptio erat respectu propriarum virium, sed non respectu Divini auxilij, vel praesumptio erat, quia prae alijs sumptio, quia plus dixerat, quam alij.

Item dicit se supererogasse, & addidisse contra Damascen. 1. lib. cap. 1. omnia quae nobis tam per legem, & Prophetas, quam per Apostolos. & Evangelistas tradita sunt amplectimur, agnoscimus, ac veneramur, nec vltra ea quidquam requirimus. Respondeo: nihil vltra contrarium, sed non nihil vltra expositivum, & declarativum, sicut fecit Magister. Item dicit Charitatem Dei ipsum agitasse. Contra: nemo scit vtrum odio, vel amone dignus sit. Respondeo dicendum: quod ibi Charitatem appellat intensum amorem, non gratuitum.

Irem in assignando tria retractiva, & incitativa non tennit ordinem rectum:: quia in 1. & 3. incitativa praemissit retractivis. In 2. retractivum incitativo. Respondeo: quia 1. & 3. retractivum non habent rationem boni, & desiderabilis, & ideo ea praemissit: cum nullo modo moveant appetitum; sed secundum retractivum habet rationem boni, & desiderabilis. Item dicit, veritatem aliquos offendere, & eam aliquos odire: contra quod, Anullo modo habet rationem mali; nullo modo habet un¬ de habeatur odio. Respondeo, quod venitas in se non oditur, sed in suis effectibus, in quantum malitiam aliquorum prodit.

Item dicit haereticos omni mendacio verborum impiam reddere simulatam pietatem: ergo in dictis eorum non est aliqua veritas, quod non est possibile: cum nulla doctrina sit, quae non praetendat aliqua vera. Respondeo; quod si verba in se vera erant; comparata tamen ad intentionem erant falsa, in quo imitantur patrem eorum Diabolum: quia & si aliqua vera dicit, tamen semper ea dicit intentione fallendi secundum August. 4. deTrin. cap. 17.