Dubitationes litterales

DVBITATIONES LITTERALES.

VPER litteram. Super illo, Quod secundum aeternam generationem Filius potest dici missus. Contra: August. 4. de Trin. cap. 20. dicit: Non eo ipso, quo de Patre natu: est, missus dicitur Filius. Dicendum, quod non est missus actualite sed est missus habitualiter: quia ex hoc sequitur, quod ille dicatur mittere, & ille mitti: quia ille genuit, ille genitus est. Vel dicendum, ut Mag. dicit, quod licet secundum aeternam generationem aliqui dicant Filium missum, non est tamen propria lucutio. Item super illud: Tunc mittitur, cum a quocumque cognoscitur. Contra: etiam mali homines habent cognitionem de Filio; non tamen ad eos mittitur. Dicendum, quod intelligendum est de cognitione, ad quam sequitur amor non de alia, sive de cognitione, secundum quam Deus ponitur ut finis om nium aliorum, quam non habent nisi boni.

Item super illud: Vel proficientis in Deum, vel perfecte in Deo. Notandum, quod anima dicitur perficiens quantum ad statum viae; perfecta tamen quantum ad modum patriae.

Item super illud: Pater est principium totius Divinitatis. Notandum hoc esse dictum: quia omnibus Personis, qui¬ bus per originem communicatur Divinitas, competit Di¬ vinitatem a Pa¬ tre acci¬ pere.