Expositio litterae

ExPOSITIO LETTERAE.

SVPER litteram: super illo: Quibus¬ dam videtur. Notandum, quod quaelibet positio aliquomodo verum dicit: nam si non genitum solam negationem dicit, tunc Spiritus Sanctus, & essentia possent dici non genita: nam de quocumque falsificatur affirmatio, de eo negatio verificatur: & ideo si falsum est, quod essentia sit genita, verum est quod non sit genita: sed si non genitum non dicat negationem solam, sed dicat negationem praesupponentem rationem principij respectu Divinae Personae, sic competit soli Patri. Vel dicen dum, quod non genitum potest negare solum generari, & tunc essentia Divina, & Spiritus Sanctus sunt non genita: quia non generantur. Vel potest ne gare non solum non generari, sed nec per generationem communicari, nec a genito procedere, & sic nec essentia nec Spiritus S. non genita sunt,

tem super illo: Aliud est esse Patrem. aliud esse Filium. Notandum, quod esse dupliciter accipi potest. 1. prout es actus essentiae: & quia in Deo non dis fert essentia, & tale esse: sicut eaden est essentia Patris & Filij, ita est idem esse. 2. esse potest dicere veritatem conpositionis, & sic esse Patrem non est est Filium: quia non eodem modo verificatur ista: Pater est Pater, & Filius est Filius. Nam Pater est Pater paternitate, Filius est Filius filiatione: paternitas autem & filiatio sunt duae res: ex vi tamen locutionis magis videtur, esse, importare veritatem compositionis, qua do post ipsum sequitur aliquod praedicatum; & quando non, magis importat actum essentiae: & ideo concedit Mag. quod aliud est esse Patrem, aliud esse Filium; non est tamen aliud Patrem esse, & Filium esse: quia in primis propositionibus, esse, magis denotat veritatem compositionis: ut patet per habita; in alijs autem magis dicit actum essentiae.