Quaestio 170
Quaestio 170
Articulus 1
In quaestione centesimaseptuagesima occurrit nihil scribendum, nisi quod ex calce primi articuli habes unde mirari non debes si statutum Ecclesiae de temperantiae actu positivo, scilicet circa ieiunia, minus servatur: et quod, si secundum diversa tempora mutaretur, non fieret virtuti temperantiae iniuria. Ideo namque Dominus noster Iesus Christus huiusmodi praecepta determinate non dedit, ut possit Ecclesia statuere et destruere prout expedit fidelibus, et diversis locis ac temporibus diversos modos indicere.
