Quaestio 95

ARTICULUS PRIMUS UTRUM DIVINATIO SIT PECCATUM

AD PRIMUM SIC PROCEDITUR. Videtur quod divinatio non. sit peccatum. Divinatio enim ab aliquo divino nominatur. Sed ea quae sunt divina magis ad sanctitatem pertinent quam ad peccatum. Ergo videtur quod divinatio non est peccatum.

2. PRAETEREA, Augustinus dicit, in libro de Lib. Arbit.: "Quis audeat dicere disciplinam esse malum?" Et iterum: Nullo modo dixerim aliquam intelligentiam malam esse posse. Sed aliquae artes sunt divinativae: ut patet per Philosophum, in libro de Memoria. Videtur etiam ipsa divinatio ad aliquam intelligentiam veritatis pertinere. Ergo videtur quod divinatio non sit peccatum.

3. PRAETEREA, naturalis inclinatio non est ad aliquod malum: quia natura non inclinat nisi ad simile sibi. Sed ex naturali inclinatione homines sollicitantur praenoscere futuros eventus, quod pertinet ad divinationem. Ergo divinatio non est peccatum.

SED coNTRA EsT quod dicitur Deut. xvni: ANon sit qui pythones consulat, neque divinos. Et in Decretis, XXVI, qu. v, dicitur: Qui divinationes expetunt, sub regulis quinquennii iaceant, seGibilum gradus poenitentiae definitos.

RESPONDEO DICENDUM quod in nomine divinationis intelligitur quaedam praenuntiatio futurorum. Futura autem dupliciter praenosci possunt: uno quidem modo, in suis causis; alio modo, in seipsis. Causae autem futurorum tripliciter se habent. Quaedam enim producunt ex necessitate et semper suos effectus. Et huiusmodi effectus futuri per certitudinem praenosci: possunt et praenuntiari ex consideratione suarum causarum: sicut astrologi praenuntiant eclipses futuras. - Quaedam vero causae producunt suos effectus non ex necessitate et semper, sed ut in pluribus, raro tamen deficiunt. Et per huiusmodi causas possunt praenosci futuri effectus, non quidem per certitudinem, sed per quandam coniecturam: sicut astrologi per considerationem stellarum quaedam praenoscere et praenuntiare possunt de pluviis et siccitatibus, et medici de sanitate vel morte.

Quaedam vero causae sunt quae, si secundum se considerentur, se habent ad utrumlibet: quod praecipue videtur de potentiis rationalibus, quae se habent ad opposita, secundum Philosophum. Et tales effectus, vel etiam si qui effectus ut in paucioribus casu accidunt ex naturalibus causis, per considerationem causarum praenosci non possunt: quia eorum causae non habent inclinationem determinatam ad huiusmodi effectus. Et ideo effectus huiusmodi praenosci non possunt nisi in seipsis considerentur. Homines autem in seipsis huiusmodi effectus considerare possunt solum dum sunt praesentes, sicut cum homo videt Socratem currere vel ambulare. Sed considerare huiusmodi in seipsis antequam fiant, est Dei proprium, qui solus in sua aeternitate videt ea quae futura sunt quasi praesentia, ut in Primo habitum est: unde dicitur Isaiae xti: Anmnunliate quae futura sunt in futurum, et. sciemus quoniam dii estis vos. Si quis ergo huiusmodi futura praenoscere aut praenuntiare quocumque modo praesumpserit, nisi Deo revelante, manifeste usurpat sibi quod Dei est. Et ex hoc aliqui divini dicuntur: unde dicit Isidorus, in libro. Etysol.: Divini dicti quasi Deo pleni: divinitate enim se plenos simulant, et astutia quadam fraudulentiae hominibus futura coniectant.,

Divinatio ergo non dicitur si quis praenuntiet ea quae ex necessario eveniunt vel ut in pluribus, quae humana ratione praenosci possunt. Neque etiam si quis futura alia contingentia, Deo revelante, cognoscat: tunc enim non ipse ^ divinat, idest, quod divinum est facit, sed magis quod divinum est suscipit. Tunc autem solum dicitur divinare quando sibi indebito modo usurpat praenuntiationem futurorum eventuum. Hoc autem constat esse peccatum. Unde divinatio semper est peccatum. Et propter hoc Hieronymus dicit, super Michaeam, quod "divinatio semper in malam partem accipitur". AD PRIMUM ERGO DICENDUM quod divinatio non dicitur ab ordinata participatione alicuius divini, sed ab indebita usurpatione, ut dictum est.

AD SECUNDUM DICENDUM quod artes quaedam sunt ad praecognoscendum futuros eventus qui ex necessitate vel frequenter proveniunt, quod. ad divinationem non pertinet. Sed ad alios futuros eventus cognoscendos non sunt aliquae verae artes seu disciplinae, sed fallaces et vanae, ex deceptione daemonum introductae; ut dicit Augustinus, in XXI de Civ. Dei.

AD TERTIUM DICENDUM quod homo habet naturalem inclinationem ad cognoscendum futura secundum modum humanum: non autem secundum indebitum divinationis modum.

ARTICULUS SECUNDUS UTRUM DIVINATIO SIT SPECIES SUPERSTITIONIS

AD SECUNDUM SIC PROCEDITUR. Videtur quod divinatio non sit species superstitionis. Idem enim non potest esse species diversorum generum. Sed divinatio videtur esse species curiositatis; ut Augustinus dicit, in libro de Vera Relig. Ergo videtur quod non sit species superstitionis.

2. PRAETEREA, sicut religio est cultus debitus, a ita superstitio est cultus indebitus. Sed divinatio non videtur ad aliquem cultum indebitum pertinere. Ergo divinatio non pertinet ad superstitionem.

3. PRAETEREA, superstitio religioni opponitur. Sed in vera religione non invenitur aliquid divinationi per contrarium respondens. Ergo divinatio non est species superstitionis.

SED CONTRA EST quod Origenes dicit, in Periarchon: Est quaedam operatio daemonum in ministerio praescientiae, quae artibus quibusdam ab his qui se daemonibus mancipaverunt, nunc per sortes, nunc per auguria, nunc ex contemplatione umbrarum comprehendi videtur. Haec autem omnia operatione daemonum fieri non dubito. Sed sicut Augustinus dicit, in Il de Doct. Christ., quidquid procedit ex societate daemonum et hominum superstitiosum est. Ergo divinatio est species superstitionis.

RESPONDEO DICENDUM quod, sicut supra dictum est, superstitio importat indebitum cultum divinitatis. Ad cultum autem Dei pertinet aliquid dupliciter. Uno modo, cum aliquid Deo offertur: vel sacrificium, vel oblatio, vel aliquid huiusmodi. Alio modo, cum aliquid divinum assumitur: sicut dictum est supra de iuramento. Et ideo ad superstitionem pertinet non solum cum sacrificium daemonibus offertur per idololatriam, sed «etiam cum aliquis assumit auxilium daemonum ad aliquid faciendum vel cognoscendum. Omnis autem divinatio ex operatione daemonum provenit: vel quia expresse daemones invocantur ad futura manifestanda; vel quia daemones se ingerunt vanis inquisitionibus futurorum, ut mentes hominum implicent vanitate; de qua vanitate in Psalm. dicitur: "Non respexit in vanitates et. insanias falsas". Vana autem inquisitio futurorum est quando aliquis futurum praenoscere tentat unde praenosci non potest. Unde manifestum est quod divinatio species superstitionis est.

AD PRIMUM ERGO DICENDUM quod divinatio pertinet ad curiositatem quantum ad finem intentum, qui est praecognitio futurorum. Sed pertinet ad superstitionem quantum ad modum operationis.

AD SECUNDUM DICENDUM quod huiusmodi divinatio pertinet ad cultum daemonum, inquantum aliquis utitur quodam pacto tacito vel expresso cum daemonibus.

AD TERTIUM DICENDUM quod in nova lege mens hominis arcetur a temporalium sollicitudine: et ideo non est in nova lege aliquid institutum ad praecognitionem eventuum íuturorum de temporalibus rebus. In veteri autem lege, quae promittebat terrena, erant consultationes de futuris ad religionem pertinentes: unde dicitur Isaiae vin: Et cum dixerint ad vos: Quaerite a pythonibus et a divinis, qui strident incantationibus suis, subdit, quasi responsionem: Numquid non populus a Deo suo requiret visionem pro vivis et mortuis? — Fuerunt tamen ' in novo Testamento etiam aliqui prophetiae spiritum habentes, qui multa de futuris eventibus praedixerunt.

ARTICULUS TERTIUS UTRUM SIT DETERMINARE PLURES DIVINATIONIS SPECIES

AD TERTIUM SIC PROCEDITUR. Videtur quod non sit determinare plures divinationis species. Ubi enim est una ratio pecNacandi, non videntur esse plures peccati species. Sed in omni divinatione est una ratio peccandi: quia scilicet utitur aliquis pacto daemonum ad cognoscendum futura. Ergo divinationis non sunt diversae ^ species.

2. PRAETEREA, actus humanus speciem. sortitur ex fine, ut supra habitum est. Sed omnis divinatio ordinatur ad unum finem, scilicet ad praenuntiationem futurorum. Ergo omnis divinatio est unius speciei.

3. PRAETEREA, signa non diversificant speciem scripto vel nutu, est eadem peccati species. Sed divinationes non videntur differre nisi secundum diversa signa ex quibus accipitur praecognitio futurorum. Ergo non sunt diversae divinationis species.

SED CONTRA EST quod Isidorus, in libro. Efymol., enumerat diversas species divinationis.

RESPONDEO DICENDUM quod, sicut dictum est, omnis divinatio utitur 'ad praecognitionem faturi eventus aliquo. daemonum consilio et auxilio. Quod quidem vel expresse imploratur: vel praeter petitionem hominis, se occulte daemon ingerit ad praenuntiandum quaedam futura quae hominibus sunt ignota, eis autem cognita per modos de quibus in Primo dictum est. Daemones autem expresse invocati solent futura praenuntiare multipliciter. Quandoque quidem praestigio$is quibusdam apparitionibus se aspectui et auditui hominum ingerentes ad praenuntiandum futura. Et haec species vocatur BEGesi gum, ex eo quod oculi hominum praestringuntur ?. - Quandoque autem per somnia. Et haec vocatur divinatio somniorum. - Quandoque vero per mortuorum aliquorum apparitionem vel locutionem. Et haec species vocatur nigromantia: quia, ut Isidorus dicit, in libro Etymol., « nigrum » graece mortuus, « mantia » divinatio nuncupatur: quia quibusdam praecantationibus, adhibito sanguine, videntur resuscitati mortui divinare et ad interrogata respondere. - Quandoque vero futura praenuntiant per homines vivos: sicut in arreptitiis peccati: sive. enim aliquis detrahat verbis, vel patet. Et haec est divinatio per pytíhones: et ut Isidorus dicit, pythones a Python Apolline sunt dicti, qui dicebatur esse auctor divinandi. - Quandoque vero futura praenuntiant per aliquas figuras vel signa quae in rebus inanimatis apparent. Quae quidem si appareant in aliquo corpore terrestri, puta in ligno vel ferro aut lapide polito, vocatur geomantia; si autem in aqua, Aydromantia; si autem in aere, aeromantia; si autem in igne, pyromanlia; si autem in visceribus animalium immolatorum in aris daemonum, vocatur aruspicium.

Divinatio autem quae fit absque expressa daemonum invocatione, in duo genera dividitur. Quorum primum est cum ' ad praenoscendum futura. aliquid consideramus in dispositionibus aliquarum rerum. Et si quidem aliquis conetur futura praenoscere ex consideratione situs et motus siderum, hoc pertinet ad as/rologos; qui et geneatici dicuntur, propter natalium considerationes dierum. - Si vero per motus vel voces avium, seu quorumcumque animalium; sive per sternutationes hominum, vel membrorum saltus; hoc pertinet generaliter ad augurium, quod dicitur a garritu avium, sicut. auspicium ab inspectione avium, quorum primum pertinet ad aures, secundum ad oculos; in avibus enim huiusmodi praecipue considerari solent. —- Si vero huiusmodi consideratio fiat circa verba hominum alia ? intentione dicta, quae quis retorquet ad futurum quod vult praenoscere, hoc vocatur omen. Et sicut Maximus Valerius dicit, ominum observatio aliquo contractu religioni innexa est. Quoniam non fortuito motu, sed divina providentia consiare creditur quae fecit: ut, Romanis deliberantibus utrum ad alium locum migrarent, forte eo tempore centurio quidam " exclamavit, « Signifer, slatue signum: hic optime manebimus »; quam vocem auditam pro omine acceperunt, transeundi consilium omittentes. - Si autem. considerentur aliquae dispositiones figurarum in aliquibus corporibus visui occurrentes, erit alia divinationis species. Nam ex lineamentis manus consideratis divinatio sumpta chiromanlia vocatur, quasi divinatio manus: chiros enim graece dicitur manus. Divinatio vero ex quibusdam figuris in spatula alicuius animalis apparentibus, spatulimantia vocatur.

Ad secundum autem divinationis genus quae ? est sine expressa daemonum invocatione, pertinet divinatio quae fit ex consideratione eorum quae eveniunt ex quibusdam quae ab hominibus | serio fiunt ad aliquid occultum inquirendum: sive per protractionem punctorum (quod pertinet ad artem geomantiae); sive per considerationem figararum quae proveniunt ex plumbo liquefacto in aquam proiecto; sive ex quibusdam cedulis, scriptis vel non scriptis, in occulto repositis, dum consideratur quis quam accipiat; vel etiam ex festucis inaequalibus propositis, quis maiorem vel minorem accipiat; vel etiam ex taxillorum proiectione, quis plura puncta proiiciat; vel etiam dum consideratur quid aperienti librum occurrat. Quae omnia sortium nomen habent.

Sic igitur patet triplex esse divinationis genus. Quorum primum est per manifestam daemonum invocationem: quod pertinet ad nzgromanticos. Secundum autem est per solam considerationem dispositionis vel motus alterius rei: quod perti- net ad augures. Tertium est dum facimus aliquid ut nobis manifestetur aliquid occultum: quod pertinet ad sortes. Sub quolibet autem horum multa continentur, ut patet ex dictis.

AD PRIMUM ERGO DICENDUM quod in omnibus praedictis est eadem ratio generalis peccandi, sed non eadem specialis: Multo enim gravius est daemones invocare quam aliqua facere quibus dignum sit ut se daemones ingerant.

AD SECUNDUM DICENDUM quod cognitio futurorum vel occultorum est ultimus finis, ex quo sumitur generalis ratio divinationis. Distinguuntur autem diversae species secundum propria obiecta sive materias: prout scilicet in diversis rebus occultorum cognitio consideratur.

AÀD TERTIUM DICENDUM quod res quas divinantes attendunt considerantur ab eis non sicut signa quibus exprimant quod iam sciunt, sicut accidit in detractione: sed sicut principia cognoscendi. Manifestum est autem quod diversitas principiorum. diversificat speciem, etiam " in scientiis demonstrativis.

ARTICULUS QUARTUS UTRUM DIVINATIO QUAE FIT PER INVOCATIONES DAEMONUM SIT ILLICITA

AD QUARTUM SIC PROCEDITUR. Videtur quod divinatio quae fit per invocationes daemonum non sit illicita. Christus enim nihil illicitum commisit: secundum illud I Pet. i1: Qui peccatum non fecit. Sed Dominus a. daemone interrogavit: Quod tibi nomen est? qui respondit: Legio: multi enim sumus, ut | habetur Marc. v. Ergo videtur quod liceat a daemonibus aliquid occultum interrogare.

2. PRAETEREA, sanctorum animae non favent illicite interrogantibus. Sed Sauli interroganti de eventu futuri belli a muliere habente spiritum pythonis, apparuit Samuel, et ei futurum eventum praedixit: ut legitur 1 Reg. xxvii. Ergo divinatio quae fit per interrogationem a daemonibus non est illicita.

3. PRAETEREA, licitum esse videtur veritatem ab aliquo sciente inquirere, quam utile est scire. Sed quandoque utile est scire aliqua occulta quae per daemones sciri possunt: sicut apparet in inventione furtorum. Ergo divinatio quae fit per invocationem daemonum non est illicita.

SED CONTRA EST quod dicitur Deut. xvii: Non inveniatur in te qui ariolos sciscitetur, neque pythones. consulat.

RESPONDEO DICENDUM quod omnis divinatio quae fit per invocationes daemonum est illicita, du- plici ratione. Quarum. prima sumitur ex parte principii divinationis, quod scilicet est pactum expresse cum daemone initum per ipsam daemonis invocationem. Et hoc est omnino illicitum. Unde contra quosdam dicitur Isaiae xxvii: Dixistis: Percussimus foedus cum morte, et. cum inferno fecimus pactum. Et adhuc gravius esset si sacrificum vel reverentia daemoni invocato exhiberetur.

Secunda ratio sumitur ex Mu futuri eventus. Daemon enim, qui intendit perditionem hominum, ex huiusmodi suis responsis, etiam si aliquando vera dicat, intendit homines assuefacere ad hoe quod ei credatur: et sic intendit perducere in aliquid quod sit saluti humanae. nocivum. Unde Athanasius ?, exponens id quod habetur Luc. iv, Increpavit illum, dicens, Obmutesce, dicit: Quarivis vera fateretur daemon, compescebat tamen Christus eius sermonem, ne simul cum veritate etiam suam iniquitatem. promulget. Ut nos etiam assuefaciat ne curemus de talibus, etsi vera loqui videantur: nefas enim est ut, cum adsit nobis Scriptura divina, a diabolo instruamur.

AD PRIMUM ERGO DICENDUM quod, sicut Beda dicit, Luc. vii, non velut inscius Dominus inquirit: sed ut, confessa peste quam tolerabat, virtus curantis gratior emicaret. Aliud autem est quae- rere aliquid a daemone sponte occurrente, quod quandoque licet propter utilitatem aliorum, maxime quando virtute divina potest compelli ad vera. dicendum: et aliud est daemonem invocare ad cognitionem occultorum acquirendum ab ipso.

AD SECUNDUM DICENDUM quod, sicut Augustinus dicit, ad Simplicianum, non est absurdum credere aliqua dispensatione permissum fuisse ul, non dominanle arte magica vel potentia, sed dispensalione occulta, quae pythonissam et Saulem late- bat, se ostenderet spiritus iusti. aspectibus regis, divina eum sententia percussurus. Vel, non vere spiritus Samuelis a requie sua excitatus est, sed aliquod phantasma et illusio imaginaria, diaboli machinationibus facta: quam Scriptura Samuelem appellat, sicut solent imagines rerum suarum nominibus appellari.

AD TERTIUM DICENDUM quod nulla utilitas temporalis potest comparari detrimento. spiritualis salutis, quod. imminet ex inquisitione occultorum per daemonum invocationem.

ARTICULUS QUINTUS UTRUM DIVINATIO QUAE FIT PER ASTRA SIT ILLICITA

AD QUINTUM SIC PROCEDITUR. Videtur quod divinatio quae fit per astra non sit illicita. Licitum enim est ex consideraatione causarum praenuntiare effectus: sicut medici ex dispositione aegritudinis praenuntiant mortem. Sed corpora caelestia sunt causa eorum quae fiunt in hoc mundo: ut etiam Dionysius dicit, iv cap. de Div. Nom. Ergo. divinatio quae fit per astra non est illicita.

2. PRAETEREA, scientia humana ex experimentis originem .sumit: ut patet per Philosophum, in principio Mefaphys. Sed per multa experi- Li» P us menta aliqui compererunt ex consideratione side- ec: rum aliqua futura posse praenosci. Ergo non videtur esse illicitum tali divinatione uti.

3. PRAETEREA, divinatio dicitur esse illicita inquantum innititur pacto cum. daemonibus inito. Sed hoc non fit in divinatione quae fit per astra, sed solum consideratur dispositio creaturarum Dei. Ergo videtur quod huiusmodi divinatio non sit illicita.

SEp coNTRA EsT quod Augustinus dicit, in IV Confess.: lllos planetarios quos mathematicos vocant, consulere non desistebam: quod quasi nullum esset eis sacrificium, et nullae preces ad aliquem spiritum ob divinationem dirigerentur. Quod tamen Christiana et vera pietas. expellit et damnat.

RESPONDEO DICENDUM quod, sicut dictum est, divinationi quae ex opinione falsa vel vana procedit, ingerit se operatio daemonis, ut hominum animos implicet vanitati aut falsitati. Vana autem aut falsa opinione utitur si quis ex consideratione stellarum futura velit praecognoscere quae per ea praecognosci non possunt. Est igitur considerandum quid per caelestium corporum inspectionem de futuris possit praenosci. Et de his quidem quae. ex necessitate eveniunt, manifestum est quod per considerationem stellarum possunt praenosci: sicut astrologi praenuntiant eclipses futuras. Circa praecognitionem vero futurorum eventuum ex consideratione stellarum, diversi diversa dixerunt.

Fuerunt enim qui dicerent quod stellae significant potius quam faciant ea quae ex earum P consideratione praenuntiantur. - Sed hoc irrationabiliter dicitur. Omne enim corporale signum vel est effectus eius cuius est signum, sicut fumus significat ignem, a quo causatur: vel procedit ab eadem causa, et sic, dum significat ' causam, per consequens significat effectum, sicut iris quandoque significat serenitatem, inquantum causa eius est causa serenitatis. Non autem potest dici quod dispositiones caelestium corporum et motus sint effectus futurorum eventuum. Nec iterum possunt reduci in aliquam superiorem causam communem quae. sit corporalis. Possunt autem reduci in unam causam communem quae est providentia divina ?: sed alia ratione disponuntur a divina providentia motus et situs caelestium corporum, et alia ratione eventus contingentium futurorum; quia illa disponuntur secundum rationem necessitatis, ut semper eodem modo proveniant; haec autem secundum rationem contingentiae, ut variabiliter contingant.

Unde non potest esse quod ex inspectione siderum accipiatur praecognitio futurorum nisi sicut ex causis praecognoscuntur effectus. Duplices autem effectus subtrahuntur causalitati caelestium corporum. Primo quidem, omnes effectus per accidens contingentes, sive. in rebus humanis sive in rebus naturalibus. Quia, ut probatur in VI Melaphys., ens per accidens non habet causam: et praecipue naturalem, cuiusmodi est virtus caelestium corporum. Quia quod per accidens fit neque est ens proprie neque unum: sicut quod, lapide cadente, fiat terraemotus, vel quod, homine fodiente sepulcrum, inveniatur thesaurus; haec enim, et huiusmodi, non sunt unum, sed simpliciter multa. Operatio autem naturae semper terminatur ad aliquid unum: sicut et procedit ab uno principio, quod est forma rei naturalis.

Secundo autem, subtrahuntur causalitati caelestium corporum actus liberi arbitrii, quod est facultas voluntatis et rationis. Intellectus enim, sive ratio, non est corpus nec actus organi corporei; et per consequens nec voluntas, quae estin ratione: ut patet per Philosophum, in III de Anima. Nullum autem corpus potest imprimere in rem incorpoream. Unde impossibile est quod corpora caelestia directe imprimant in intellectum. et voluntatem: hoc enim esset ponere intellectum non differre a sensu; quod Aristoteles, in libro de Anima, imponit his qui dicebant quod /alis » oluntas est in hominibus qualem in die inducit Paler virorum deorumque, scilicet. sol vel caelum. Unde corpora caelestia non possunt esse per se causa operum "liberi arbitrii. - Possunt tamen ad hoc dispositive inclinare: inquantum imprimunt in corpus humanum, et per. consequens in vires sensitivas, quae sunt actus corporalium organorum, quae inclinant ad humanos actus. Quia tamen vires sensitivae obediunt rationi, ut patet per Philosophum, in III de Anima et in I Ethic., nulla necessitas ex hoc libero arbitri imponitur, sed contra inclinationem caelesti corporum homo potest per rationem operari.

Si quis ergo consideratione astrorum utaturad praecognoscendos futuros casuales vel fortuitos eventus, aut etiam ad cognoscendum. per certitudinem futura opera hominum, procedet hoc ex falsa et vana opinione. Et sic operatio daemonis se immiscet. Unde erit divinatio superstitiosa et illicita. - Si vero aliquis utatur consideratione astrorum ad praecognoscendum futura quae ex caelestibus causantur corporibus, puta siccitates et pluvias et alia. huiusmodi, non erit illicita divinatio nec superstitiosa.

Et secundum hoc patet responsio ad primum.

AD SECUNDUM DICENDUM quod hoc quod astrologi ex consideratione astrorum frequenter vera praenuntiant, contingit dupliciter. Uno quidem modo, quia plures hominum passiones corporales sequuntur, et ideo actus eorum disponuntur, ut in pluribus, secundum inclinationem caelestium corporum: pauci autem sunt, idest soli sapient qui ratione huiusmodi inclinationes moderent Et ideo astrologi in multis vera Pena praecipue in communibus eventibus, qui dependent ex multitudine.

Alio modo, propter daemones se immiscentes. Unde Augustinus dicit, in II super Gen. ad litt.: "Fatendum est, quando a mathematicis vera dicuntur, instinctu quodam occultissimo dici, quem nescientes humanae mentes patiuntur. Quod cum ad decipiendos homines fit, spirituum. immundo- rum et seductorum operatio est, quibus quaedam vera de temporalibus rebus nosse permittitur". Unde concludit: Quapropter bono Christiano sive mathematici, sive quilibet impie divinantium, et maxime dicentes vera, cavendi sunt: ne consortio daemoniorum animam deceptam pacto quodam societatis irretiant.

Et per hoc patet responsio ad tertium.

ARTICULUS SEXTUS UTRUM DIVINATIO QUAE FIT PER SOMNIA SIT ILLICITA

AD SEXTUM SIC PROCEDITUR. Videtur quod divinatio quae fit per somnia non sit illicita. Uti enim instructione divina non est illicitum. Sed in somniis homines instruuntur a Deo: dicitur enim Zob xxxi: Per somnium in visione nocturna, quando irruit sopor super homines et dormiunt in lectulo, tunc aperit, scilicet Deus, aures virorum, et erudiens eos instruit disciplina. Ergo uti divinatione quae est per somnia non est illicitum.

2. PnaETEREA, illi qui interpretantur somnia, Proprie utuntur divinatione somniorum. Sed sancti viri leguntur somnia interpretari: sicut Ioseph in interpretatur somnia pincernae Pharaonis et magistri pistorum, ut legitur Gen. xt, et somnium Pharaonis, ut legitur Gen. x1; et Daniel interpretatus est somnium Regis Babylonis, ut habetur Dan. i et iv. Ergo divinatio somniorum. non. est illicita.

3. PRAETEREA, illud quod communiter homines experiuntur, irrationabile est negare. Sed omnes experiuntur somnia habere aliquam significationem futurorum. Ergo vanum est negare somnia habere vim divinationis. Ergo licitum est eis intendere.

SED CONTRA EST quod dicitur Deut. xvin: Non inveniatur in te qui observet somnia.

RESPONDEO DICENDUM quod, sicut dictum est, divinatio quae innititur falsae opinioni. est superstitiosa et illicita. Ideo considerare oportet quid sit verum circa praecognitionem futurorum de somniis. Sunt autem somnia futurorum eventuum quandoque quidem causa: puta cum mens alicuius, sollicita ex his quae videt in somniis, inducitur ad aliquid faciendum: vel vitandum. - Quandoque vero somnia sunt signa aliquorum futurorum eventuum, inquantum reducuntur in aliquam causam communem somniis et futuris eventibus. Secundum hoc plurimum praecognitiones futurorum ex somniis fiunt. Est ergo considerandum quae sit causa somniorum; et an possit esse causa futurorum eventuum; vel ea possit cognoscere.

Sciendum, est ergo quod somniorum causa quandoque quidem est interius, quandoque autem exterius. Interior autem somniorum causa est duplex. Una quidem animalis: inquantum scilicet ea occurrunt hominis phantasiae in dormiendo circa quae eius cogitatio et affectio fuit immorata in vigilando. Et talis causa somniorum non est causa futurorum eventuum. Unde huiusmodi somnia per accidens se habent ad futuros eventus: et si quandoque simul concurrant, erit casuale. — Quandoque vero causa intrinseca somniorum est corporalis. Nam ex interiori dispositione corporis formatur aliquis motus in phantasia conveniens tali dispositioni: sicut homini in quo abundant frigidi humores, occurrit ? in somniis quod sit in aqua vel nive. Et propter haec medici dicunt esse intendendum somniis ad cognoscendum interiores dispositiones. - Causa autem somniorum exterior similiter est duplex: scilicet corporalis, et spiritualis. Corporalis quidem, inquantum imaginatio dormientis immutatur vel ab aere continenti vel ex impressione caelestis corporis, ut sic dormienti aliquae phantasiae appareant conformes caelestium dispositioni. - SpiritualIs autem causa est quandoque quidem a Deo, qui ministerio angelorum aliqua hominibus revelat in somniis: secundum illud Num. xi: Si quis fuerit inter vos propheta Domini, in visione apparebo ei, vel per somnium loquar ad illum. Quandoque vero operatione daemonum aliquae phantasiae dormientibus apparent, ex quibus quandoque aliqua futura revelant his qui cum eis habent pacta illicita.

Sic ergo dicendum quod si quis utatur somniis ad praecognoscenda futura secundum quod somnia procedunt ex revelatione divina; vel ex causa naturali, intrinseca sive extrinseca, quantum se potest virtus talis causae extendere: non erit illicita divinatio. Si autem huiusmodi divinatio ;causetur ex revelatione daemonum cum quibus pacta habentur expressa, quia ad hoc invocantur; vel tacita, quia huiusmodi divinatio extenditur ad quod se non potest ^ extendere: erit divinatio illicita et superstitiosa.

Et per hoc patet responsio ad obiecta.

ARTICULUS SEPTIMUS UTRUM DIVINATIO QUAE EST PER AUGURIA ET OMINA ET ALIAS HUIUSMODI OBSERVATIONES EXTERIORUM RERUM, SIT ILLICITA.

AD SEPTIMUM SIC PROCEDITUR. Videtur quod divinatio quae est per auguria et omina et alias huiusmodi observationes: exteriorum rerum, non sit illicita. Si enim esset illicita, sancti viri ea. non uterentur. Sed de Ioseph legitur quod auguriis intendebat: legitur quod auguriis intendebat: legitur enim Gen. XLIV quod dispensator Ioseph dixit: Scyphus quem furati estis, ipse est in quo bibit dominus meus, et in quo augurari solet: et ipse postea dixit fratribus suis: 4n ignoratis quod non sit similis mei in augurandi scientia? Ergo uti tali divinatione non est ilicitum.

2. PnaETEREA, aves aliqua circa "futuros temporum eventus naturaliter cognoscunt: secundum illud lerem. vim: Milvus- in caelo cognovit tempus suum: turtur et hirundo et ciconia custodierunt tempus advnetus sui. Sed naturalis cognitio est infallibilis, et a Deo. Ergo uti cognitione avium ad praenoscendum futura, quod est augurari, non videtur esse illicitum. 3. PRAETEREA, Gedeon in numero Sanctorum | ponitur, ut patet Zeb. x1. Sed Gedeon usus fuit omine ex hoc quod audivit recitationem. et interpretationem cuiusdam somnii, ut legitur Zudic. vi. Et similiter Eliezer, servus Abrahae, ut legitur Gen. xxiv. Ergo videtur quod talis divinatio non sit illicita.

SED CONTRA EST quod dicitur Deut. xvii: Non inveniatur in te qui observet auguria.

RESPONDEO DICENDUM quod motus vel garritus avium, vel quaecumque dispositiones huiusmodi in rebus consideratae, manifestum est quod non sunt causa futurorum eventuum: unde ex eis futura cognosci non possunt sicut ex causis. Relinquitur ergo quod si ex eis aliqua futura cognoscantur, hoc erit inquantum sunt effectus ali- | quarum causarum quae etiam sunt causantes vel praecognoscentes futuros eventus.

Causa autem operationum brutorum animalium est instinctus quidam quo moventur in modum naturae ?: non enim habent dominium sui actus. Hic autem instinctus ex duplici causa potest procedere. Uno quidem modo, ex causa corporali. Cum enim bruta animalia non habeant nisi animam sensitivam, cuius omnes potentiae sunt actus corporalium. organorum, subiacet eorum anima dispositioni continentium corporum, et primordialiter caelestium. Et ideo nihil prohibet aliquas eorum operationes esse futurorum signa, inquantum conformantur dispositionibus corporum caelestium et aeris continentis, ex qua proveniunt aliqui futuri eventus. - In hoc tamen duo considerari oportet. Primum quidem, ut huiusmodi operationes non extendantur nisi ad praecognoscenda futura quae causantur per motus caelestium corporum, ut supra dictum est. Secundo, ut non extendantur nisi ad ea quae aliqualiter possunt ad huiusmodi animalia pertinere. Consequuntur enim per caelestia corpora cognitionem quandam naturalem et instinctum ad ea quae eorum vitae sunt necessaria: sicut sunt immutationes quae fiunt per pluvias et ventos, et alia huiusmodi.

Alio modo instinctus huiusmodi causantur ex causa spirituali. Scilicet vel ex Deo: ut patet in columba super Christum descendente, et in corvo qui pavit Eliam, et in cete qui absorbuit et eiecit Ionam. Vel etiam ex daemonibus, qui utuntur huiusmodi operationibus brutorum animalium ad implicandas animas " vanis opinionibus.

Et eadem ratio videtur esse de omnibus aliis huiusmodi, praeterquam de ominibus. Quia verba humana, quae accipiuntur pro omine, non subduntur dispositioni stellarum. Disponuntur tamen secundum divinam providentiam; et quandoque secundum daemonum operationem.

Sic igitur dicendum quod omnis huiusmodi divinatio, si extendatur ultra id ad quod potest pertingere secundum ordinem naturae vel divinae providentiae, est superstitiosa et illicita.

AD PRIMUM ERGO DICENDUM quod hoc quod Ioseph dixit, non esse aliquem sibi similem in scientia augurandi, secundum Augustinum, ioco dixit, non serio, refererís forte hoc ad id quod vulgus de eo opinabatur. Et sic etiam dispensator eius locutus est.

AD SECUNDUM DICENDUM quod illa auctoritas loquitur de cognitione avium respectu eorum quae ad eas pertinent. Et ad haec praecognoscenda considerare earum voces et motus non est illicitum: puta si quis ex hoc quod cornicula frequenter crocitat, praedicat pluviam cito esse futuram.

AD TERTIUM DICENDUM quod Gedeon observavit recitationem et expositionem somnii accipiens pro omine, quasi ordinata ad sui instructionem a divina providentia. - Et similiter Eliezer attendit verba puellae, oratione praemissa ad Deum.

ARTICULUS OCTAVUS UTRUM DIVINATIO SORTIUM SIT ILLICITA

AD OCTAVUM SIC PROCEDITUR. Videtur quod divinatio sortium non sit illicita. Quia illud Psalm., In manibus tuis sortes meae, dicit Glossa Augustini: Sors non est aliquid mali, sed res, in humana dubitatione, divinam indicans voluntatem.

2. PRAETEREA, ea quae a sanctis in Scripturis observata leguntur non videntur esse illicita. Sed sancti viri, tam in veteri quam in novo Testamento, inveniuntur sortibus usi esse. Legitur enim Iosue vit, quod Iosue, ex praecepto Domini, iudicio sortium punivit Achar, qui de anathemate surripuerat. Saul etiam sorte deprehendit filium suum lonatham mel comedisse, ut habetur I Reg. xiv. Ionas etiam, a facie Domini fugiens, sorte deprehensus, estf in mare deiectus, ut legitur lonae 1. Zacharias etiam soríe exuf uf incensum poneret, ut legitur Luc. 1:. Matthias etiam est sorte ! ab Apostolis in apostolatum electus, ut legitur Act. 1. Ergo videtur quod divinatio sortium non sit illicita.

3. PRAETEREA, pugna pugilum quae monomachia dicitur, idest singularis concertatio, et iudicia ignis et aquae, quae dicuntur vulgaria, videntur ad sortes wet cum per huiusmodi aliqua exquirantur? occulta. Sed huiusmodi non videntur esse illicita: quia et David legitur cum Philisthaeo singulare iniisse certamen, ut legitur I Reg. xvii. Ergo videtur quod divinatio sortium non sit illicita.

SED CONTRA EST quod in Decretis, XXVI, qu. v dicitur: Sortes quibus cuncta vos vestris discriminatis provincus, quas Patres damnaverunt, nihil aliud quam divinationes et maleficia decernimus. Quamobrem volumus omnino illas damnari, et ultra inter Christianos nolumus nominari: et ne exerceantur, anathematis interdicto prohibemus.

RESPONDEO DICENDUM quod, sicut supra dictum est, sortes proprie dicuntur cum aliquid fit ut, eius eventu considerato, aliquid occultum innotescat. Et si quidem quaeratur iudicio sortium quid cui sit exhibendum, sive illud sit res possessa, sive sit honor seu dignitas, seu poena, aut actio aliqua, vocatur sors divisoria. Si autem inquiratur quid agere oporteat, vocatur sors consultoria. Si vero quaeratur quid sit futurum, vocatur sors divinatoria.

Actus autem hominum, qui requiruntur ad sor- tes, non subduntur dispositioni stellarum, nec etiam eventus ipsorum. Unde si quis ea intentione sortibus utatur quasi huiusmodi actus humani, qui requiruntur ad sortes, secundum dispositionem stellarum sortiantur effectum, vana et falsa est opinio, et per consequens non carens daemonum ingestione. Ex quo talis divinatio ' erit superstitiosa et illicita.

Hac autem causa remota, necesse est quod sortialium actuum expectetur eventus vel ex fortuna, vel ex aliqua spirituali causa dirigente. Et si quidem ex fortuna, quod locum habere potest solum in divisoria sorte, non videtur habere nisi forte vitium vanitatis: sicut si aliqui non valentes aliquid concorditer dividere, velint sortibus ad divisionem uti, quasi fortunae exponens tes quis quam partem accipiat.

Si vero ex spirituali causa expectetur sortium iudicium, quandoque quidem expectatur ex daemonibus sicut legitur Ezech. xxi, quod rex Babylonis stetit in bivio, in capite duarum viarum, commiscens sagitlas: interrogavit. idola, exta consuluit. Et tales sortes sunt illicitae " secundum canones prohibentur.

Quandoque vero expectatur a Deo: secundi illud Prov. xvi: Sortes mittuntur in sinum, "m. a Domino temperantur. Et talis sors secundum se non est malum, ut Augustinus dicit. Potest tamen in hoc quadrupliciter peccatum incidere, Ps. Primo quidem, si absque ulla necessitate ad s sortes recurratur: hoc enim videtur ad Dei tentationem pertinere. Unde Ambrosius dicit, super Lucam: Qui sorte eligitur, humano iudicio non comprehenditur. - Secundo, si quis, etiam in necessitate, absque reverentia sortibus utatur. Unde, super Actus Apost., dicit Beda: Si? qui, ,Cm. necessitate aliqua compulsi, Deum putant sortibus, exemplo Apostolorum, esse consulendum, videant hoc ipsos Apostolos non nisi collecto fratrum coetu, et precibus ad Deum fusis, egisse. - Tertio, si divina oracula ad terrena negotia c vertantur. Unde Augustinus dicit, ad Tnquisiti. nes lanuaru: His qui de paginis evangelicis sortes legunt, etsi optandum sit ut id potius faciant quam ad daemonia consulenda concurrant, tamen ista mihi displicet consuetudo, ad. negotia saecularia et ad vitae huius vanitatem" divina oracula velle convertere. - Quarto, si in electioni- bus ecclesiasticis, quae ex Spiritus Sancti inspiratione fieri debent, aliqui sortibus utantur. Unde, sicut Beda dicit, super Actus Apost., Matthias, anle Pentecosten ordinatus, sorte quaeritur, quia scilicet nondum erat plenitudo Spiritus Sancti in Ecclesia effusa: septem autem diaconi postea non sorte, sed electione discipulorum ' sunt ordinati. Secus autem est in temporalibus dignitatibus, quae ad terrena disponenda ordinantur; in quarum electione plerumque homines sortibus utuntur, sicut et in temporalium rerum divisione.

Si vero necessitas immineat, licitum est, cum debita reverentia, sortibus divinum iudicium implorare. Unde Augustinus dicit, in epistola ad -Honoratum: Si inter Dei ministros sit disceplalio qui eorum persecutionis tempore maneant, ne fuga omnium, et qui eorum fugiant, ne morte omnium deseratur ecclesia: s: haec disceptatio aliter..non "potuerit terminari, quantum mihi videtur, qui maneant et qui fugiant sorte legendi sunt. Etin I de Doct. Christ. dicit: Si tibi abundaret. aliquid, quod oporteret dari ei qui non »»- haberet, nec duobus dari potuisset; si tibi occurrerent duo, quorum neuter alium vel indigentia vel "^ ehgapite aliqua necessitate superaret; nihil iustius faceres quam ut sorte legeres cui dandum esset quod dari utrique non posset.

Et per hoc patet responsio ad primum et secundum.

AD TERTIUM DICENDUM quod iudicium ferri candentis vel aquae ferventis ordinatur quidem ad alicuius peccati occulti inquisitionem per aliquid quod ab homine fit, et in hoc convenit cum sortibus: inquantum tamen expectatur aliquis miraculosus effectus a Deo, excedit communem sortium rationem. Unde huiusmodi iudicium illicitum redditur: tum quia ordinatur ad iudicandum occulta, quae divino iudicio reservantur; tum etiam quia huiusmodi iudicium non est auctoritate divina sancitum. Unde II, qu. v, in decreto Stephani Papae, dicitur: Ferri candentis vel aquae ferventis examinatione confessionem extorqueri a quolibet, sacri non censent canones: et quod sanctorum Patrum documento sancitum non est, superstitiosa adinventione non est praesumendum. Spontanea enim confessione vel testium approbalione publicata delicta, habito prae oculis Dei timore, concessa sunt nostro regimini iudicare. Occulta vero et incognita illi sunt relinquenda qui « solus novit corda filiorum hominum ». - Et eadem ratio videtur esse de lege duellorum: nisi quod plus accedit ad communem rationem sortium, inquantum non expectatur ibi miraculosus effectus; nisi forte quando pugiles sunt valde impares virtute vel arte.