Titulus 67

Imperatores Valentinianus, Theodosius, Arcadius Si quis ovium vel equarum greges in saltus rei dominicae alienus immiserit, fisco ilico vindicetur. Quod si venalis procuratorum coniventia, ut id deinceps temptetur, admiserit, gravissimo eos iubemus supplicio subiacere * VALENTIN. THEODOS. ET ARCAD. AAA. DEPRIANIO COM. RER. PRIVAT. *<A XXX >

Imperatores Theodosius, Arcadius, Honorius Si qua loca ad sacrum dominium pertinentia cuiuslibet temeritas occupavit, secundum veteris census fidem in sua iura retrahantur: rescriptis per obreptionem impetratis et praescriptione longi temporis et novi census praeiudicio in hac causa submovendis.

Neque enim aut precatio colorata aut incubatio diuturna aut novella professio proprietatis nostrae privilegium abolere potuerunt. * THEODOS. ARCAD. ET HONOR. AAA. AD APULUM COM. DOMORUM. *<A 396 D.V K.APRIL.CONSTANTINOPOLI ARCADIO IIII ET HONORIO III AA.CONSS.>