Rubrica 4

¶ De naturalitate animi circa se et alium. Rubrica. 4

CRonica de nugis philosophorum. c. 2 scilicet de thalete: "Tales qui primus sapiens nominatus est secundum quem septem sapientes vocati sunt: Interrogatus quid difficile: ait: seipsum noscere."

¶ Aristoteles ethicorum lib. 5. ca. 8. "Seipsum nullus eligit noscere."

/ Libro. 9. c. 4. "Unus quisque sibiipsi vult bona."

/ c. 7. "Omnis proprium opus diligit magis quam diligatur ab opere animato facto."

/ c. 9. "Speculari magis proximos possimus quam nosmetipsos: et illorum actiones quam proprias."

/ Idem magnorum moralium lib. 2. c. 86. "Difficillimum est noscere seipsum. Ipsi quidem nosipsos ex nobisipsis non speculari possumus."

/ Idem rethoricorum libro. 3. et fi. c. 14. "Conspicabile magis est quod proprium est negocium eo quod alienum."

¶ Terentius in andria. ca. 10 "Uerum illud verbum est vulgo quod dici solet: Omnes sibi malle melius esse quam alteri. In heautontumerumenon. ca. 9.Ita comparatam esse hominum naturam: aliena vt melius videant et iudicent quam sua: an eo fit quia in re nostra aut gaudio sumus prepediti nimio aut egritudine."

¶ Tullius de fine bonorum et malorum lib. 5. et fi. "Omne animal seipsum diligit."

/ Idem tusculanarum questionum li. i. "Non valet tantum animus vt seipsum videat: at vt oculus sic animus se non videns alia cernit."

/ Libro 3. "Proprium stultitie est aliorum vitia cernere: obliuisci suorum."

¶ Ouidius in puncto lib. 4. et fi. epistola. i. "Quod fecit quisque tuetur opus."

¶ Seneca epistolarum ad lucillum li. 13. c. 6. "Nemo nisi cum alteri prodest: sibi proficit." Libro. 14. c. i. "Nemo eorum qui in re publica versantur quos vincat: sed a quibus vincatur aspicit: et illis non tam iocundum est multos post se videre: quam graue est aliquem ante se habere."

/ Idem de ira lib. 2. "Aliena vitia ante oculos habemus: a tergo nostra."

¶ Marcialis cocus li. vndique suscepto. c. 5. "Ad fratris culpam: aquile tu lumina portas: Ad tua cum. scelera: nulla vel orba feras."

¶ Bernardus li. de improbatione vitiorum c. i. "Quamplures aliena notant: sua crimina numquam"