Rubrica 9

¶ De litibus et iurgiis. Rubrica. 9.

SAlomon in prouer. c. 13. "Inter superbos semper iurgia sunt."

/ 17. c. "Melior est bucella sicca cum gaudio quam domus plena victimis cum iurgio. Semper iurgia querit malus."

/ 18. c. "Os stulti iurgia prouocat."

¶ Iesus filius sirach in eccl. c. 8. "Non litiges cum homine potente: ne forte incidas in manus illius. Non contendas cum viro locuplete: ne ecconsistat litem tibi: multos enim perdidit aurum et argentum vsque corregumextendit et conuertit."

/ 28. c. "Abstine te a lite: et minues peccata. Homo iracundus incendit litem."

¶ Cronica de nugisphilosophurum. c. 5 scilicet de pictago. "Pictagus mitilenus qui fuit vnus de septem sapientibus dicebat: Non obiurgare amicum immo nec inimicum."

¶ Ouidius de arte amandi li. i. "Iurgia praecipue vino stimulata caueto. Est nimium facilis ad fera bella manus."

/ Li. 2 "Esse procul lites: et amare premia lingue."

/ Paulus apostolus in epistola. 2. ad timotheum. c. 2. "Seruum deo non oportet litigare: sed mansuetum esse ad omnes: docibilem: patientem: cum modestia corripientem eos qui resistunt veritati."

¶ Seneca de ira li. 2. "Cum pari contendere anceps est: cum superiore furiosum: cum inferiori sordidum."

¶ Paladius de agricultura. c. 6. "Uno vel colono confinia possidenti qui fundum aut agrum suum locat: damnis suis ac litibus studet."

¶ Lex diges. ti. de alienatione iudi. etc. l. item si res. in fi. "Uerecunda cogitatio eius qui lites execratur: non est vituperanda." Lex codi. ti. de iudi. li. properatur dum. in pn. "Sepe cause pecuniarie mam criminalibus creare noscuntur."

¶ Auctor lib. de for. honeste vite. c. 4. "Non in iurgia disceptationesque descendas."

¶ Cato. c. 3. "Litem inferre caue cum quo tibi gratia iuncta est."

¶ Cassiodorus epistolarum li. 4. e. 37. "Longa questio litigantium non tam auget patrimonia quam euertit."

/ Lib. 11. e. 9. "Si queritis lucra: vitate potius damnosa litigia."

¶ Isidorus soliloquiorum lib. 2. c. 25. "Nullus existat sermo iurgiorum qui concordiam diuidat."

/ 26 c. "Uita lites. Tolle occasionem lit."

¶ Iacobus beneuentanus. c. 29 "Hoc tibi precipio: vites vt placita semper: Si poteris: quoniam prelia sepe mouent. Questio res minuit: odium creat: incitat iram. Pro lucro damnum: ducere sepe solet."