Rubrica 17

¶ De iudiciali mundicia. Rubrica. 17

MOises in deuteronomio c. 24 "Non occidentur patres pro filiis: nec filii pro patribus: sed vnusquisque pro suo peccato moriatur."

¶ Salomon in prouer. c. 20. "Dissipat impios rex sapiens."

/ Idem in eccl. c. 8. "Quia non profertur cito contra malos sententia absque vllo timore filii hominum perpetrant mala."

¶ Hieremias propheta li. prophetarum. c. 31. "Omnis homo qui comederit vuam: acerbam et dentes ei obstupescent."

¶ Ezechiel propheta. c. 18. "Ezechiel ait: Factus est sermo domini ad me dicens: Fili hominis quid est quod inter vos parabolam vertitis in prouerbium istud inter israhel dicentes: Patres nostri comederunt vuam acerbam: et dentes filiorum obstupescunt. Anima que peccauerit ipsa morietur: filius non portabit iniquitatem patris: et pater non portabit iniquitatem filii. Iustitia iusti super eum erit et impietas impii erit super eum."

¶ Aristoteles retho. li. i. c. 19 "Differunt punitio et castigatio. Castigatio quidem enim patientis gratia est. Punitio autem facientis vt satietur."

/ Lib. 3. et fi. c. 12. "Uindicta nocumentum quoddam iustum est."

/ Idem polliticorum li. 7. c. 10. "Punitiones a virtute quidem sunt"

¶ Pilon vel philemodo li. sapiente. c. 11. "Per qua peccat quis per hec et torquetur."

¶ Tullius rethoricorum artis veteris li. 11. c. 5 "Nihil est indignius quam eum qui culpa caret supplitio non carere."

¶ Quintilianus declamationum. 13 declam. "Facinus est o iudices euadere nocentes."

¶ Seneca tragediarum in hercule furente. c. 11 et fi. "Sepe vindicta obfuit."

/ Idem in prouerb. "Nunquam scelus scelere iudicandum est."

¶ Lex diges. ti. de operis noui nunci. li. de pupillo. §. si plurium. "Non debet nocere factum alterius ei qui nihil fecit."

/ Ti. de fideiussoribus l. si a reo. §. fi. "Penas ob male ficia solui magna ratio suadet."

/ Ti. de reg. iur. l. infrascripta. "Non debet alteri per alterum iniqua conditio inferri."

¶ Lex codi. ti. de epis. et cleri. l. presbyteri: "Multomagis pena sunt digni quibus cum plurimum honoris est delatum: occulto inueniuntur in crimine."

/ Ti. de iudeis. l. nemo. "Iccirco iudiciorum vigor iurisque publici tutela videtur in medio constituta ne quisquamsibiipsi permittere valeat vltionem."

/ Ti. de penis. l. si operis: "Non remitti penam facile publice interest: ne ad maleficia quisquam temere pro filiat."

¶ Beotius de consolatione lib. 4. c. 7. "Puniri improbos iustum est: impunitos elabi etiam iniquum esse manifestum est."

¶ Cassiodorus epistolarum li. i. e. 4. "Excessus tunc sunt in formidine quando creduntur iudicibus displicere."

/ Li. 4. e. 35. "Esset cunctis fallendi studium si fraus subuecticium lucraretur effectum."

/ 49. e. "Necesse est vindicte subiaceat qui prauis moribus obsecundat."

/ Libro. 5. e. 14 "Iustitie ratio persuadet excedentes reprimere vt ad cunctos possit quietis suauitas peruenire."

/ Libro. 9. e. 2. "Uix audet quisquem in illos excedere: in quibus culpas non potest inuenire."

/ Lib. 9. e. 22. "Indiscreti hominum mores confusique vagarentur si aut culpa formidinem aut virtus praemia non haberet."

¶ Auctor li. qui dicitur pamphilus. c. 22 "Penas sepe luit quas homo non meruit."