Rubrica 23

¶ De electis conclusionibus rethorice orationis. Rubrica. 23

TUllius inuectiua in salustium: "Plura dicere si apud alios patres conscripti mihi esset diserendum: non apud vos quos habui omnium actionum mearum monitores."

/ Idem in oratione pro quinto ligario "Longiorem orationem causa forsitan postulat: tua certe natura breuiorem. Quare cum vtilius esse arbitrem teipsum quam aut me: aut quemquam loqui tecum finem iam faciam. Tantum teipsum admoneo: si illi salutem absenti dederis presentibus his omnibus te daturum."

¶ Quintillianus declamationum. 2 declama. "Perorta imperator vt mediocritas in genii mei causa scio commendationis partes esse reliquas. Sed has superuacuas facit sanctitas tua et caetera. vnum rogat vt si quid de causa illius dubitas: des dilationem vsque ad proximum prelium: pone in prima accie pone ante signa: fortiter dixerim non inter tyrones: vbi vsus periculi: quo maximus ostium globus ingruet specta pugnantem: affirmo tunc minus ignoscere tribuno scilicet occiso a milite quem tribunus voluit strupare: liceat ire in accie: congredi cum hostibus. Si perire debet: rogat te imperator miles tuus opera mortis sue vtaris."

/ 12 declama. "Intelligo neque prudentiam vestram desiderare plura de causa: neque vestram fidem ac religionem egere exhortatione vere iudicandi."

¶ Cassiodorus epistolarum: li. 10. e. 33 "Pauca dixisse sapientie vestre sufficiant: quia quod in alto pectore protenditur consideratum semper augetur."

/ Idem de anima. c. 17. et fi. "Hec pro nostro modulo non pro rerum ipsa magnitudine dicta sufficiant."