Rubrica 4

¶ De paucitatis acceptabilitate et reprobatione multitudinis. Rubrica. 4

ARisto. Ethicorum. li. 8. c. 4. "Multis esse amicum secundum perfectam amicitiam non contingit: quemadmodum neque amare multas simul. Multas simul eidem placere valde non facile."

/ Li. 9. c. 11. "Difficile fit et congaudere et condolere familiariter multis. Non contingere videbitur multis esse amicum valde: propter quod neque amare plures."

/ Idem politicorum. li. 2. c. i. "Multi seruientes quoniamque deterius seruiunt paucioribus."

/ 8. c. "Unum opus ab vno optime perficitur."

/ 9. c. "Non est facile prospicere multa vnum."

/ Li. 4. c. 12. "Melius vnumquoque opus sortitur cura circa vnum intenta quam circa multa."

/ Li. 7. c. 3. "Difficile forte aut impossibile bene legibus regi eam ciuitatem que valde multorum hominum est. Ualde excedens numerus non potest participare ordinem."

/ Idem retho. li. 3. et fi. c. 14. "Quanto fuerit maior populus: tanto remotior intellectus."

/ Idem topicorum: lib. 7. "Uerisimile est in multis magis quam in paucis peccatum fieri."

¶ Tullius tusculanarum questionum: li. 2. "Pauca ipsa sepe multum prosunt et ferunt fructus."

¶ Seneca epistolarum ad lucillum: li. i. c. 2. "Distrahit librorum multitudo: itaque cum legere non possis quantum habueris satis est habere quantum legas."

/ Li. 6. c. 3. "Lectio crebra prodest vana delectat."

/ Idem de tranquillitate animi. "Onerat discentem turba librorum: non instituit multoque satius est paucis te auctoribus tradere quam errare per multos."

/ Idem de beneficiis: li. 5. "Solet plus prodesse si pauca precepta sapientie teneas: sed illa in promptu et in vsu tibi sint: quam si multa quidem didiceris: sed illa non habeas ad manum."

/ Idem de consolatione ad elbiam matrem: "Cupiditati nihil satis est: nature satis est etiam parum. Necessariis rebus exilia sufficiunt: superuacuis non regna"

/ Idem de beata vita. "Argumentum pessimi turba est."

¶ Lex cod. ti. de veteri iure enucleando: li. 2. §. sed et si quid. "Multo melius est pauca idonee effundere quam multis inutilibus homines pregrauari."

/ Lex auten. ti. de referendariis sacri palatii ad finem. "Multitudo hominum numerosa nihil habet honestum: quoniam paucis ex multis que secundum virtutem est vita saluatur."

¶ Uegetius de re militari: li. i. ti. i. "In certamine bellorum exercitata paucitas ad victoriam est promptior: rudis et indomita multitudo exposita semper ad cedem."

/ Lib. 3. titu. i. "Pluribus casibus subiacet amplior multitudo."

¶ Marcialis cocus l. vndique suscepto. c. 2. "Predicat hermagoras non omnibus esse placendum. Elige de multis regule cui placeas."

¶ Boetius de consolatione: li. 2. c. 9. "Paucis minimisque natura contenta est."

¶ Cassiodorus epistolarum: li. 7. e. 2. "Dum tempus potantis prolixum queritur culparum opprobria non vitantur."

/ 9. e. "A paucis accipit qui nimium querit."

¶ Gregorius in pastorali. c. 5. "Impar quisque inuenitur ad singula dum confusa mente diuiditur ad multa. Nequaquam plene vniuscuiusque operis ratio colligitur dum mens per diuersa partitur."

¶ Montenarius in luna cleri. c. i. "Mens variis hebetatur dedita curis."

/ c. 93. "Plura petit vicium: paucis natura fouetur:"

¶ Prouerb. metricur. extraord l. vag. "Pluribus intentus minor est ad singula sensus. Qui binos lepores vna sectabitur hora: Uno quandoque: quandoque carebit vtroque. Segnius expediut commissa negocia plures."

¶ Prouerb. vulg. "Chi doe leuore caza luna perda elaltra lassa."