Rubrica 6

¶ D rebus propriis communibus et alienis. Rubrica. 6.

CRonica de nugis philo sophorum. c. 6 scilicet de biante. "Bias vnus de septem sapientibus: quesitus quid dulce mortalibus: ait proprium."

Aristoteles pollyticorum: li. i. c. 8. "Prauum vtique videbitur esse plures principatum eumdem principari."

/ Lib. 2. c. i. "Minime cura sortitur quod plurimorum commune est: de propriis maxime curant omnes: de communibus autem minus. Duo sunt que maxime faciunt sollicite curare homines et diligere: proprium et dilectum."

/ 2. c. "Cure diuise litigia ad inuicem non faciunt. Communicantes multo magis dissidentes videmus quam separatim substantias habentes."

/ Idem yconomicorum: li. i. circa fi. "Nemo curat similiter aliena et propria. Quidam interrogatus quid magis rus impinguat: oculus domini inquit. Libius interrogatus quaale stercus optimum vestigia domini ait."

/ Idem retho. li. 3. et fina. c. 14 "Conspicabile magis est quod proprium est negotium eo quod alienum."

¶ Iesus filius sirach: in ecclesiast. c 33. "Non dederis aliis possessiones tuas: ne forte peniteat te et depreceris pro illis. Dum adhuc superes et aspiras non immutabit te omnis caro: melius est enim vt filii tui te rogent quam te respicere in manus filiorum tuorum."

¶ Tullius de officiis: li. i. c. 13 "Difficilis est cura rerum alienarum."

¶ Ouidius de arte amandi: lib. 3. et fi. "Non bene cum sociis regna venusque manent."

¶ Lucanus lib. i. "Nulla fides regni sociis omnisque potestas Impatiens consortis erit."

Plinius de naturali hysto. lib. 12. c. 19. "Mortalibus suarum rerum sacietas est: alienarumque auiditas."

¶ Lex. dig. t. de seruitutibus vrba. prediorum. li. in re coni. "Propter imensas contentiones plerumque res ad diuisionem peruenit."

/ Ti. de legatis. ii. li. cum pater. §. dulcissimis. "Communio solet excitare discordias."

/ Ti. si a parente quis manumissus sit. l. ii. "Iniquum est ingenuis hominibus non esse liberam rerum suarum alienationem."

/ Ex cod. ti. de iudeis. l. nemo. "Iustum est sua cuique committere."

/ Ti. mandati. l. in re mandata. "Sue quisque rei moderator atque arbiter est."

/ Ti. de contrahenda emp. et vendi. li. dudum. "Grauis videtur iniuria vt homines de rebus suis facem aliquid cogantur inuiti"

/ Li. 10 ti. quoniam et quibus debetur quarta pars etc. l. ii. "Naturale vicium est negligi quod communiter possidetur."

¶ Paladius de agricultura. c. 6. "Presentia domini profectus est agri."

¶ Cassiodorus epistolarum: li. i. e 21. "Unicuique patria sua carior est."

¶ Uersificator fabularum esopi. 56. fabu. "Res tua te reperit argum: res altera cecum."

¶ Ricardus iudex venuxinus: li. de pertractatione nuptis. c. 28. "Insipiens aliena colit propriumque relinquit. Plus alios quam se quis nisi stultus amat: Quam nostrum melius dicitur esse meum."

¶ Prouerb. vulg. "Ele meio me cha nostro. Meio e cum altrum partir cha sol perdere Molino de consorte va liga con strope."