Rubrica 5

¶ De natura venerei amoris. Rubrica. 5.

ARistoteles ethicorum: libro 8. capitulo 4. "Non contingit amare multas simul Multas simul eidem placere valde: non facile."

¶ Iesus filius sirach: in ecclesiastico. capitulo 26 "Fornicatio mulieris in extollentia oculorum et in palpebris illius agnoscitur."

¶ Terentius in andria. c. 4. "Omnes qui amant grauiter sibi dari vxorem ferunt."

/ Capitulo. 14. "Amantium ira amoris reintegratio est."

/ In eunucho. capitulo 2. "In amore hoc omnia insunt: vicia: inducie: Suspitiones: inimicitie: iniurie.Bellum: pax rursum incerta. Hoc si postules Ratione certa facere: nihilo plus agas. Qua si des operam vt cum ratione insanias."

/ In heatuntumerumenon. capitulo 11. "Multa fert libido."

¶ Tullius tusculanarum questionionum. libro 5. et finali. "Nunquam finem inueniet libido."

¶ Ouidius epistolarum. i. e. "Res est solliciti plena timoris amor."

/ Epistola. 4 "Quid deceat non videt vllus amans."

/ Epistola. 6. "Credula res amor est."

/ Epistola. 12 "Quis enim bene celat amorem: Ipsum timor auget amorem."

/ Epistola. 15 "Sed tamen apparet dissimulatus amor."

/ Epistola. 16 "Certus in hospitibus non est amor: errat vt ipsi Cumque nihil speres firmius esse fugit."

/ Idem sine titulo libro i capitulo 5. "Uox et amor vinumque nihil moderabile suadent."

/ Capitulo. 9. "Militat omnis amans: et hebet sua castra cupido. Quis nisi vel milens vel amans et frigora noctiEt denso mixtas perferet imbre niues."

/ Libro. 2. capitulo. 17 "Et tener ausuros grandia frangit amor."

/ Libro. 3. et si. capitulo 4 "Centum fronte oculos centum ceruice gerebat Argus: et hos vnus sepe fefellit amor."

/ Idem de arte amandi: libro 3. et finali. "Errat et in nulla: sede moratur amor. Non bene cum sociis regna venusque manent Senescit amor. Incertus pectora versat amor."

/ Idem de remedio amoris: libro 2. "Secta biptito cum mens discurrit vtroque. Alterius vires subtrahit alter amor. Successore nouo vincitur omnis amor. Intrat amor mentes vsu: dediscitur vsu."

¶ Quintillianus declamationum. 13 declamatione. "Habet aliquod solatium quisquis in amore miser est. In amore contempto semper accendit."

/ 14 declamatione. "Amat qui queritur quod non amatur."

¶ Seneca tragediarum in hyppolito. capitulo 10. "Uincit sanctos dira libido."

/ In octauia. capitulo 9. "Luxuria pestis blanda."

/ Capitulo. 10. "Uis magna mentis blandus animi calor Amor est. Iuuenta gignitur luxum ocio Nutritur inter leta fortune bona. Quem si fouere atque alere desistas cadet."

/ Idem in prouerbiis. "Amor animi arbitrio sumitur non deponitur. Amans iratus multa mentitur sibi. Amans quid cupit scit: quid sapiat non videt. Blanditia non imperio fit dulcis venns. In amore semper mendax iracundia est."

¶ Ualerius maximus: libro 9. titulo i. "Blandum malum est luxuria: quam accusare aliquanto facili us est quam vitare."

¶ Lex auten. titulo quibus modis naturalis efficiantur legitimi. §. illud quoque: "Nihili furore amoris est vehementius: quem retinere philosophie est."

¶ Fulgentius: libro 2. et finali. "Libido quanto carni consenserit tanto surgit iniquior."

/ Libro 3 fabula 4. "Amor cum periculo sepe concordat: et dum ad illud solum natat quod diligit nunquam videt quod expedit."

¶ Boetius consolatione. libro 3. capitulo 24. et finali. "Quis legen det amanti. Maior lex amor est sibi."

¶ Auctor libelli qui dicitur pamphylus. capitulo 25. "Igneus ille furor nescit habere modum. Non leue pondus habent violenta cupdinis arma."

/ Capitulo 37. "Uix celare potest intima cordis amor."

/ Capitulo. 43 "Occultare nequit sua lumina maximus ignis Occultare potest nec sua vota venus."

/ Capitulo. 47. "Ingeniosus amor portas et claustra resoluit Uincit quicquid obest ingeniosus amor."

¶ Auctor libelli qui dicitur facetus. capitulo 6. "Nil bene cernit amor videt omnia lumine ceco. Fallitur in multis anxietate sua."

¶ Andreas ad gualterium: de amore: lbi. i. "Amor est passio quedam innata: procedens ex visione et immoderata cogitatione forme alterius sexus ob quam quidem aliquis super omnia cupit alterius potiri amplexibus: omniaque de vtriusque voluntate in ipsius amoris precepta compleri."

/ Libro 3 "Semper timet amans ne sibi voluntas atque fides alteretur amantis: et hanc cogitationem amanti non potest vigilia neque somnus auferre. Quem vere gladius pertingit amoris: continua deque coamato ac sine intermissione cogitatione quassatur: nullisque diuitiis nullone in hoc seculo tantum posset honore vel aliqua dignitate beari quantum si iuxta proprii animi voluntatem suo recte fruatur amore. Non reperitur aliquis adeo diuinis eloquiis eruditus: si maligno spiritu comitante: amoris aculeis instigetur: qui contra mulieres cognatas sibi et affines ac deo dedicatas feminas sciat vnquam frena continere luxurie. Magis sapientes dicuntur insanire amore et ardentius carnis voluptate: quam qui minori scientia gubernantur. Sed et magis sapientes viri postquam in amore delinquunt luxurie con temnere solent excessus quam qui modica sunt scientia fulti."

¶ Mattheus vindocinensis: de hystoria tobie capitulo. 36. "Est amor iniustus iudex aduersa maritans Rerum naturas degenerare facit. Anxietas in amore sapit: dulcescit amarum"

¶ Gaufridus: in poetria. capitulo 67. "Litibus alterius quando bellantur amantes Crescit in hoc bello linguarum pax animorum. Hoc odio conditur amor."

¶ Iacobus beneuentanus. capitulo 50. "Subuertit mentem pulchra puella viri."

¶ Auctor libelli qui incipit astrolabi: "Nec capit humanas animas plus femina quicquam Que se luxurie supponit gratis amica."

¶ Prouerbia vulgaria. "Lamor e orbo. Amor non guardo paraco ne richeze Ne lamor ne la tosse sepo celare Amor za no cura raxon ne mesura."