Rubrica 10

¶ De molestia et damno amoris venerei. Rubrica. 10

SAlomon in prouerbiis. capitulo 9. "Mulier viri preciosam animam rapit. Nunquid abscondere potest homo ignem in sinu suo vt vestimenta illius non ardeant: aut ambulare super prunas vt non comburantur plante eius."

/ Idem in ecclesiaste. capitulo 7. "Mulier laqueus venatorum est: et sagena cor eius Uincula enim sunt manus illius: qui placet deo effugiet eam: qui autem peccator est capietur ab illa."

¶ Iesus filius sirach in ecclesiastico. capitulo 9. "Propter speciem mulieris multi perierunt."

/ 19. capitulo. "Uinum et mulieres apostatare faciunt et sapientes: et arguunt sensatos."

¶ Uirgilius eneide libro 4. post medium. "Improbe amor quid non mortalia pectora cogis."

¶ Tullius tusculanarum questionum. libro 5. et finali. "Nunquam finem inueniet libido."

¶ Ouidius de arte amandi. libro 2. "Quod inuat exiguum plus est quod ledit amantes Preponantque animo multa ferenda suo."

/ Idem de tristibus libro 4. e. i. "Sensit amans sua damna ferre tamen heret in illis Materiam culpe persequiturque sue."

¶ Quintilianus declamationum. 14. declamatione. "Ex omnibusque nobis patientibus extorquet affectus hoc seuissimum patimur quod nemo vult in amore sanari."

¶ Seneca tragediarum in octauia. capitulo 9. "Luxuria pestis blanda."

/ Idem declamatione in prohemio. "Nihil tam mortiferum ingeniis quam luxuria est."

¶ Lucanus libro. 5. "Heu quantum mentes dominatur in equas Iusta venus: dubium trepidumque ad prelia magne: Te quoque fecit amor."

¶ Statius thebaidos libro 6. "Nunc opus est animis infestos tollere cestus Cominus: hec bellis et ferro proxima virtus. Subdit amor stimulos."

¶ Iuuenalis libro satyra vnica. "Nullam inuenies que parcat amanti. Ardeat ipsa licet tormentis gaudet amantis: Et spoliis."

¶ Cecilius firmianus de beata vita. libro 4. "Tres sunt omnes affectus qui homines in omnia facinora precipites agunt: Ira: cupiditas: libido."

¶ Fulgentius. libro 2. fabula 12. "Omnis qui luxuriam amat cecus est."

/ Libro 3. et finali. fabula 8. "Amor cum periculo sepe concordat: et dum ad illud non solum natat quod diligit: nunquam videt quod expedit."

¶ Auctor libelli qui dicitur pamphylus. capitulo 50. "O deus in quantis animus versatur amantis. Que timor hac illa pellit amorque grauis."

¶ Auctor libelli qui dicitur facetus. capitulo 6. "Efficitur fatuus qui sic amat vt modus absit. Negligit officium quilibet inde suum."

¶ Gualterius de castellione: libro primo. "Non te emolliat intus Prodiga luxuries: nec fortia pectora frangatMentis morbus amor latebris et murmure gaudes. Si bacho venerique vacces qui cetera subdis. Subiuga venisti: periit delata vacantis. Libertas animi veneris flagrante camino. Mens habet interius rixas et bella moueri. Imperat et suadet: rationis et vile sepulchrum. Ebrietas rigidos eneruant hoc duo mores."

¶ Mattheus vindocinensis in poetria. parte. 2. capitulo. 4. "Eneruat studium pernitiosa venus."

¶ Andreas ad gualterium de amore. libro 3. "Nullus tanto dilectionis alicui vel amicitie vinculo colligatur: si cognouerit ipsum pro sue vxoris vel filie vel propinque instanter esse amoris sollicitum: quin statim contra ipsum non incipiat odii liuore moueri ac in dignationis venena concipere. Qui amat vehementi quadam seruitute ligatur: et cor interius iaculatur. Omnem enim extraneorum collocutionem vel deambulationem aut in solitam commorationem amans in coamante ex amoris zelo timescit. Semper timet amans ne sibi voluntas atque fides alteretur amanti:et hanc cogitationem amanti non potest vigilia neque somnus auferre. Quas penas viuendo patiuntur amantes: non mihi videtur quemquam posse plenius edoceri: nisi fuerit magna experientia eruditus."