Rubrica 8

¶ De experientia et vsu bellici exercitii. Rubrica. 8.

SEneca de prouidentia: "Ad suspitionem vulneris tyro palescit: audacter veteranus cruorem suum spectat: qui scit se sepe vicisse post sanguinem."

¶ Uegetius de re militari libro i. titulo i. "Inuenies romanos omnes gentes sola armorum exercitatione vicisse. Nulla enim alia re videmus populum romanum: orbem subegisse terrarum: nisi armorum exercitio disciplina castrorum vsuque militie."

/ Libro 2. titulo 21 "Semper in ocio debet fieri quod necessario faciendum videtur in prelio."

/ 22 titulo. "Inexercitatus miles semper est tyro. Uelocitas vsu ipso acquiritur corporis: et scien tia feriendi hostem seque protegendi: presertim si quominus dimicetur. Quemadmodum bene exercitatus miles prelium cupit: ita formidat indoctus. Sciendum est in pugna vsum amplius prodesse quam vires."

¶ Cassiodorus epistolarum. libro i. epistola 39. "Ars bellandi si non preluditur cum fuerit necessaria non habetur. Animos subito ad arma non erigunt nisi qui se ad ipsa indoneos premissa exercitatione confidunt."

/ Libro 3. epistola i. "Terribilis est hominibus conflictus: sit non sit assiduus: et nisi vsu presumatur concertandi subito fidutia non habetur."

¶ Auctor libelli qui dicitur facetus. capitulo 10. et finali. "Sepius insolito pugna nocere solet."