Rubrica 7

¶ De peritia atque imperitia bellice parationis. Rubrica. 7.

Quintilianus declamationum. 2. declamatione. "Principes nos facit seueritas institutorum: ordo militie: amor quidam laboris: et quottidiana exercitatione assidua belli meditatio. Itaque plura pene moribus quam viribus vicimus."

¶ Statius thebaydo. libro 8. "Sepe ignari perimuntque cadentque."

¶ Frontinus. libro 4. titulo 2. "Domicius corbulo duabus legionibus et paucissimis auxiliis disciplina correctis parthos substrauit. Alexander macedo. quadraginta milibus hominum iam inde a phylippo patre discipline assuefactis orbem terrarum aggressus innumeras hostium copias superauit."

¶ Uegetius de re militari. in prohemio. "In omni prelio non tam multitudo et virtus quam ars et exercitium solent praestare victoriam."

/ 3. titulo. "Scientiam rei bellice dimicandi nutrit audaciam. Nemine facere metuit qui bene didicisse se confidit. In certamine bellorum exercitata paucitas semper potior est ad victoriam: rudis et indocta multitudo posita est ad cedem."

/ 4. titulo. "Melius est vt exercitatus iuuenis causetur etatem numdum venisse pugnandi quam doleat praeterisse."

/ 13 titulo. "Nihil neque firmius neque felicius neque laudabilius est republica in qua abundant milites eruditi. In aliis rebus sicut ait cato siquid erratum est potest corrigi postmodum: preliorum vero delicta emendationem non recipiunt: cum pena statim sequatur errorem: nam aut confestim pereunt qui ignaue imperateque pugnauerunt: aut in fugam versi victoribus vltra pares esse non audent."

/ 28 titulo. et finali. "Utilius constat erudiri armis suos quam alienos mercede conducere."

/ Libro titulo 22. "Si doctrina cesset armorum nil paganus distat a milite."

/ libro 3 in prohemio. "Qui victoriam cupit: milites imbuat diligenter. Qui secundos optat euentus dimicet arte non casu."

/ 4. libro. "Nemo cogitat de tumultum qui fidutiam de arte vel viribus gerit."

/ 6. titulo. "Interdum imperita rusticitas plura promittit et credit se scire qui nescit."

/ 26 titulo. et finali. "Paucos viros fortes natura procreat: bona institutione plures reddit industria."

¶ Cassiodorus: epistolarum. libro i. epistola 39. "Discat miles in ocio quod perficere possit in prelio."