Rubrica 15

¶ De explorationibus et exploratoribus. Rubrica. 15.

FRontinus. Libro i. titulo 2. "Scipio aphricanus capta occasione mittende ad syphacem legationis: cum lelio seruorum habitu tribunos et centuriones electissimos ire iussit: quibus cure esset prospicere regias vires. hi cum liberius castrorum positionem scrutarentur: equum de industria dimissum tanquam fugientem persecuti maximam partem munimentorum cir cuierunt. Que cum nunciassent incendio confectum est bellum. Carthaginenses cum animaduertissent alexandri ita magnas opes vt aphrice quoque immineret: vnum ex ciuibus virum acrem nomine amilcarem thodium vixerunt simulato exilio ire ad regem omnique studio in amicitiam eius peruenire. Qua is potitus consilia eius nota ciuibus suis faciebat."

/ Idem carthaginenses miserunt qui per speciem legatorum longo tempore rome morarentur: "exciperentque consilia romanorum. M cato in hyspaniam: quia ad hostium consilia alia via peruenire non potuerat iussit trecentos milites simul impetum facere in statione hostium raptumque vnum ex his in castra perferre incolumen: tortusque ille omnia suorum archana confessus est."

¶ Uegetius de re militari libro 3. titulo 26. et finali. "Difficle vincitur qui vere potest de suis et aduersarii copiis iudicare. Cum explorator hostium latenter oberret in castris: omnes ad tentoria sua per diem redire iubeantur: et statim deprehendetur explorator."