Rubrica 4

¶ De naturali mutabilitate status cuiuscunque Rubrica. 4.

SAlomon in prouerbiis. capitulo 24. "Septies cadet iustus et resurget."

¶ Aristoteles methaurorum: libro i. "Omnia permutantur tempore."

¶ Iesus filius sirach in ecclesiastico. capitulo 18. "A mane vsque ad vesperum immutatur tempus."

¶ Ouidius methamorph. libro 15. et finali. "Nec species sua cuique manet: rerumque nouatrix. Ex aliis alias reparat natura figuras. Nil equidem constare diu sub imagine eadem Crediderim."

¶ Quintilianus declamationum. 8 declamatione. "Sepe in vnum summa decidunt."

¶ Seneca de consolatione ad marciam: "Omnia humana breuia et caduca sunt. Quicquid ad summum venit ad exitum prope est. Ubi incremento locus non est vicinus occasus est."

¶ Lucanus. libro i. circa principi. "Sumisque negatum Stare diu. In se magna ruunt."

¶ Lex codice. titulo de veteri iure enucleando. libro ii. §. sed quia diuine: "Humani iuris conditio semper in insinitumdecurrit: et nihil est in ea quod stare perpetuo possit. multas etenim formas edere natura nouas deproperat."

¶ Lex autentico. titulo de non alienandis et caetera. §. vt autem. "Quid erit stabile inter homines et ita immobile vt nullam patiatur immutationem: cum omnis noster status sub perpetuo motus consistat."

/ Titulo vt omnes obediant iudicibus et caetera. §. hanc dicentes: "Nihil pene in semetipso manet: sed currit natura semper multas euoluens mutationes: quas neque prouidere facile est neque predicere."

¶ Claudianus. libro i. "Mobile mutatur semper cum principe vulgus."

¶ Prosper sub vlti. capitulo. "Non idem status est agris: non vrbibus vllis. Omniaque in fine precipitata ruunt."

¶ Boetius de consolatione. libro 2. capitulo 5. "Ullam nehumanis rebus constantiam inesse reris: cum ipsum sepe hominem velox hora dissoluit."

/ 6 c. "Constat eterna positumque lege est: vt constet genitum nihil."

¶ Cassiodorus: epistolarum. libro 3. epistola 49. "Humane res mutabilitate quatiuntur."

¶ Uersificator fabularum esopi. fabula 44. "Stare diu nec vis nec honor nec formam nec etas Sufficit in mundo: plus tamen ista placent."

¶ Gualterius de castellione. libro 9. et penultimo. "Res ita se prebent vt nulli phas sit in vno Semper stare gradu."

¶ Ricardus iudex venuxinus libro de pertractione nuptiarum. capitulo 35. "Transit honor: pereunt preciosa: iuuenta senescit. Deficiunt vires: gloria queque perit."

/ Capitulo. 45. "Elatis raro: gloria longa datur. Ardua namque cadunt: et tumefacta crepant."

Prouerbia vulgaria. "El mal dura: ma el non regna"