III, D. 22, Tractatio Quaestionum

Ad intelligentiam autem huius partis incidunt hic sex dubitabilia. Primo quaeritur, utrum Christus in triduo fuerit homo. Secundo quaeritur, utrum, secundum quod homo, fuerit in loco determinato. Tertio quaeritur de requietione corporis in sepulcro. Quarto quaeritur de descensu animae ad inferos. Quinto quaeritur de liberatione. animarum de inferno. Sexto et ultimo quaeritur de traductione animarum ad caelos.