III, D. 5, A. 2, Praeambulum

Consequenter quaeritur de secundo principali, videlicet de assumtione ex parte assumti. Et circa hoc quaeruntur quinque. Primo quaeritur, utrum persona Dei assumserit humanam naturam. Secundo, utrum assumserit humanam personam. Tertio, utrum sit ponere perfectam intentionem personalitatis circa animam separatam. Quarto, utrum concedendum sit quod Deus assumserit hominem. Quinto et ultimo, utrum concedendum sit quod assumserit humanitatem.