III, D. 8, A. 2, Praeambulum

Consequenter quaeritur de nativitate temporali in comparatione ad aeternam. Et circa hoc quaeruntur tria. Primo quaeritur, supposito quod in Christo duplex sit nativitas, utrum concedendum sit Christum bis natum esse. Secundo quaeritur, utrum in Christo sint filiationes duae. Tertio quaeritur, utrum sit naturalis filius ratione utriusque nativitatis, scilicet temporalis et aeternae.