III, D. 9, A. 2, Praeambulum

Consequenter quaeritur de secundo principali, videlicet de ipsa latria secundum illud quod est. Et circa hoc quaeruntur quatuor. Primo quaeritur, utrum latria sit in genere virtutis. Secundo, utrum sit virtus generalis vel specialis. Tertio quaeritur, utrum latria sit virtus cardinalis vel theologica. Quarto quaeritur, utrum sit virtus diversa a dulia.