Praeambulum

Ad intelligentiam huius partis duo principaliter quaeruntur. Primo quaeritur de sacramento Eucharistiae per comparationem ad virtutem transsubstantiantem. Secundo, per comparationem ad virtutem apprehendentem. Circa primum quaeruntur quatuor. Primo quaeritur de virtute transsubstantiandi per comparationem ad virtutem creandi. Secundo, per comparationem ad virtutem concipiendi. Tertio, per comparationem ad verbum. Quarto, per comparationem ad elementum.