Praeambulum

Ad intelligentiam huius partis duo principaliter quaeruntur. Primo quaeritur de potestate conficientis. Secundo quaeritur de sumente. Circa primum quaeruntur quatuor. Primo quaeritur, utrum omnis sacerdos possit conficere. Secundo, utrum soli sacerdotes. Tertio quaeritur, in quo resideat maior potestas ad consecrandum, in sacerdote an in verbo. Quarto quaeritur, utrum melior sit Missa boni sacerdotis quam mali.