Praeambulum

Ad intelligentiam huius partis, secundum triplicem poenitentiam quam distinguit Magister in littera, tria principaliter quaeruntur. Primo quaeritur de poenitentia ante Baptismum. Secundo, de poenitentia post Baptismum, quae est de mortalibus. Tertio, de poenitentia, quae est de venialibus. Circa primum quaeruntur duo. Primo quaeritur, utrum oporteat poenitere et dolere pro originali peccato. Secundo, utrum accedentem ad Baptismum cum actuali necesse sit ante sacramentum Poenitentiae accipere.