Praeambulum

Ad intelligentiam huius brevis distinctionis, secundum duo quae in ea tanguntur, duo hic principaliter quaeruntur. Primo quaeritur de Ordinis impedimento. Secundo de uxoricidio. Circa primum quaeruntur tria. Primum est, utrum Ordines minores impediant Matrimonium. Secundo, utrum Ordines sacri. Tertio quaeritur quantum ad ecclesiasticum statutum, per quod sacri Ordines impediant Matrimonium.