Praeambulum

Ad intelligentiam eorum quae Magister dicit in parte ista, duo principaliter quaeruntur. Primo quaeritur de sanctificatione adultorum praeter Baptismum. Secundo quaeritur de sanctificatione parvulorum in Baptismo. Circa primum quaeruntur tria. Cum enim sanctificatio et purificatio fiat triplici Baptismo, ut dicit Magister, scilicet fluminis, flaminis et sanguinis, quaeritur de his tribus : Primo quantum ad efficaciam. Secundo quantum ad praeeminentiam. Tertio quantum ad convenientiam.