II, Distinctio 14, P. 2, Tractatio Quaestionum, Praeambulum

Ad intelligentiam huius partis, omissa distinctione elementorum, circa productionem luminarium quaeruntur duo. Primus est de ipsis luminaribus per comparationem ad corpus in quo locantur. Secundum est de ipsis in comparatione ad ea in quae operantur. Circa primum quaeruntur tria. Primo quaeritur, utrum luminaria posita sint in eodem corpore continuo an in diversis. Secundo quaeritur, utrum moveantur motu corporis continentis an motibus propriis. Tertio quaeritur, utrum motus competat alicui caelo sine stellis.