Caput 13

CAP. XIII. Tractat opinionem Ciceronis, dicentem Deum nescire futura.

ALia est opinio Ciceronis, scilicet quod multa eugniunt libere, Sed Deus illa non praescit, propter motiuum capitulo proximo recitatum, Nesciuit enim videre quomodo esset certa praescientia omnium futurorum, nisi & esset absoluta necessitas omniquaque, sicque libertas omnimoda tolleretur. Credidit enim quod praescientia futurorum & libertas eorum necessario repugnarent; quare & necessario oportuit, vt credebat, vnum negare & alterum affirmare; videbaturque sibi vtilius pro conuersatione ciuili negare praescientiam quam arbitrij libertatem: Quare & in libro suo de diuinatione, omnem diuinationem & praescientiam omnem negat. Sed hanc opinionem non minus infidelium quam fidelium auribus execrandam satis reprobat sextum primi.